Izrail nanios udary pa Biejrucie ŭ miežach apieracyi suprać «Chiezbały»
Ranicaj u niadzielu Izrail papiaredziŭ žycharoŭ niekalkich rajonaŭ paŭdniovych pryharadaŭ stalicy Livana Biejruta ab nieabchodnaści nieadkładna evakujavacca pierad mahčymaj vajennaj apieracyjaj, paviedamlaje Bi-bi-si.
Pradstaŭnik Armii abarony Izraila Avichaj Adraei zajaviŭ, što papiaredžańnie asabliva tyčycca žycharoŭ rajonaŭ Charet-Chrejk, Habiejry, Liłaki, Chadas, Burdž al-Baražne, Tachvita al-Hadyr i Šyja.
Pavodle jaho słoŭ, CACHAŁ nie budzie vahacca i naniasie ŭdar pa lubym, chto apyniecca pobač z bajevikami «Chiezbały».
«Vy padviarhajecie siabie i svaje žyćci niebiaśpiecy, nieadkładna pakińcie hety rajon», — napisaŭ jon u X.
Paźniej livanskaje dziaržaŭnaje infarmacyjnaje ahienctva National News Agency (NNA) paviedamiła, što ŭ vyniku izrailskaha ŭdaru pa nasielenym punkcie na poŭdzień ad Biejruta adzin čałaviek zahinuŭ i troje dziaciej atrymali ranieńni.
Niezaležna pravieryć hetu infarmacyju pakul nie ŭdajecca.
Ministr zamiežnych spraŭ Izraila Hideon Saar u niadzielu adchiliŭ paviedamleńni ab mahčymych pramych mirnych pieramovach pamiž Izrailem i Livanam, pra jakija na vychadnych pisała izrailskaja hazieta Haaretz.
Pavodle jaho słoŭ, Izrail i ZŠA całkam zhodnyja ŭ svaich acenkach, a ich hałoŭnaja meta — doŭhaterminova likvidavać ekzistencyjalnyja pahrozy z boku Irana.
«My nie chočam kožny hod znoŭ ustupać u čarhovuju vajnu», — skazaŭ jon.
-
Polski sud adobryŭ ekstradycyju viadomaha rasijskaha archieołaha va Ukrainu. Jaho vinavaciać u niezakonnych raskopkach u Krymie
-
Kiraŭnik «Alternatyvy dla Hiermanii» Alisa Vajdel zaklikała da pastavak nafty z Rasii
-
Japoniec 26 hadoŭ arandavaŭ kvateru, dzie zabili jaho žonku, kab zachavać dokazy ŭ spadziavańni na novyja technałohii. I ŭrešcie zabojcu znajšli
Kamientary