U Anhlii ŭsplosk zachvorvańniaŭ na mieninhit siarod moładzi. Krynica — načny kłub
U anhlijskim hrafstvie Kient zafiksavany ŭsplosk mieninhitu siarod moładzi. Viadoma prykładna pra 20 vypadkaŭ zaražeńnia, dva čałavieki — školnica i studentka — pamierli, paviedamlaje The Guardian.
Mieninhit — heta niebiaśpiečnaja infiekcyja, jakaja paražaje abałonki hałaŭnoha i śpinnoha mozhu. U hetym vypadku havorka idzie pra typ B, vyklikany bakteryjaj mieninhakok, jakaja pieradajecca pavietrana-kropielnym šlacham.
Uspyška pačałasia ŭ pačatku sakavika. Bolšaść chvorych — maładyja ludzi va ŭzroście 18—21 hoda. Častka vypadkaŭ užo paćvierdžanaja łabaratorna, astatnija jašče praviarajucca.
Miarkujecca, što krynicaj zaražeńnia moh stać papularny načny kłub u Kienterbiery, dzie ŭ pačatku sakavika prachodzili viečarynki. Infiekcyja, vierahodna, chutka raspaŭsiudziłasia praź ciesnyja kantakty, u tym liku ŭ studenckich internatach.
Miedyki adznačajuć, što taki maštab raspaŭsiudžvańnia za karotki čas — vielmi redki vypadak. Ludziam, jakija naviedvali hety kłub abo ŭvohule źviazanyja z univiersitetam, rekamiendujuć prymać antybijotyki.
U rehijonie ŭžo vykarystana niekalki tysiač doz preparataŭ, a taksama płanujecca vakcynacyja studentaŭ. Pry hetym u aptekach nazirajecca deficyt vakcyn, niekatorych ludziej zapisvajuć u čarhu.
Ułady ličać, što situacyju ŭdasca ŭziać pad kantrol dziakujučy lačeńniu i pryščepkam, i nie čakajuć šyrokaha raspaŭsiudžvańnia chvaroby pa ŭsioj krainie.
U Biełarusi ŭpieršyniu źjaviłasia vakcyna, jakuju baćki čakali hadami. Pa šalonym košcie, ale raskupili jaje ŭ momant
Prapahandystka Šybkoŭskaja raskazała pra svaje pakuty — jak «kamaryny ŭkus» akazaŭsia chvarobaj Łajma
Adzin nazalny sprej suprać hrypu, COVID i pnieŭmanii? Voś što raspracavali navukoŭcy
U adnym z rehijonaŭ Biełarusi ŭspyška niebiaśpiečnaha virusa — jak abaranicca
Čamu žančyny čaściej pakutujuć na mihreń, a mužčyny — na infarkty?
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary