Kim Čen Yn pieraabrany na pasadu staršyni dziaržaŭnych spraŭ KNDR. Jaho adnahałosna abraŭ tamtejšy VNS
Pieraabrańnie adbyłosia na Viarchoŭnym narodnym schodzie KNDR, što prajšoŭ učora, 22 sakavika.
Kim Čen Yn pieraabrany na pasadu staršyni dziaržaŭnych spraŭ KNDR
«VNS piatnaccataha sklikańnia ŭračysta abviaściŭ usiamu śvietu histaryčnaje rašeńnie ab vyłučeńni na najvyšejšuju pasadu Respubliki vybitnaha kiraŭnika čučchejskaj revalucyi tavaryša Kim Čen Yna pavodle adzinaj voli i spadziavańniaŭ usiaho karejskaha naroda», — paviedamiła Paŭnočnakarejskaje telehrafnaje ahienctva».
Z prapanovaj ab pieraabrańni Kim Čen Yna vystupiŭ deputat Li Il Chvan. Jon zajaviŭ: «Na hetaj płaniecie tolki mocny maje prava abaraniać hodnaść i biaśpieku dziaržavy, i mienavita vielič tavaryša Kim Čen Yna źjaŭlajecca hałoŭnaj siłaj Karei. Mahutnaść Karei zaklučajecca nie tolki ŭ uzbrajeńni, ale i ŭ pierakananaści ŭ samaraźvićci i palityčnaj śmiełaści kiraŭnika. Jašče adna siła — heta adzinstva i zhurtavanaść usiaho hramadstva, dzie vola kiraŭnika stała volaj naroda. U hetaj krainie jość vierny narod, jaki, navat u ciažkaściach, padtrymlivaje idei kiraŭnika, i jość uzbrojenyja siły, jakija ličać absalutnuju addanaść abaviazkam».
Fota: KCNA
Kim Čen Yn kiruje KNDR z 2011 hoda, Pierad hetym kiravali jaho dzied Kim Ir Sen (1949—1994) i baćka Čen Ir (1994-2011)
Ciapier čytajuć
«Kali b nie «Viasna-1996, my b byli Tatarstanam». 30 hadoŭ tamu biełarusy ŭžo pratestavali suprać Łukašenki i Rasii — jak heta było3
Kamientary