Karciny Renuara, Siezana i Macisa ahulnaj vartaściu ŭ niekalki miljonaŭ jeŭra byli vykradzieny ŭ vyniku rabavańnia Fondu Mańjani-Roka pad Parmaj. Rabavańnie pryvatnaha muzieja, pa słovach miascovaj palicyi, adbyłosia jašče na minułym tydni, u noč na 23 sakavika, piša Bi-bi-si.
Siarod vykradzienych rabot — «Ryby» Pjera Ahiusta Renuara, «Naciurmort ź višniami» Pola Siezana i «Adaliska na terasie» Anry Macisa.
Rabaŭnikoŭ, jak paviedamlajuć u palicyi, było čaćviora. Złamyśniki ŭ maskach uzłamali ŭvachodnyja dźviery, pranikli ŭ adnu z załaŭ na pieršym paviersie i syšli z šedeŭrami praz muziejny sad.
Usia apieracyja doŭžyłasia mienš za try chviliny i była, pa słovach pravaachoŭnikaŭ, dobra spłanavana i arhanizavana.
Rabaŭnikoŭ, jak pišuć italjanskija ŚMI, vidavočna, spudziła sihnalizacyja, jakaja spracavała: čaćviortuju karcinu, jakuju mierkavana mieli namier skraści, jany pakinuli ŭnutry.
U ciapierašni čas palicyja vyvučaje zapisy kamier videanazirańnia muzieja, a taksama susiednich abjektaŭ.
Fond Mańjani-Roka za 20 kiłamietraŭ ad Parmy zachoŭvaje kalekcyju mastactvaznaŭca Łuidžy Mańjani, jakaja ŭklučaje taksama pracy Dziurera, Rubiensa, Van Dejka, Hoi i Mane. Fond byŭ zasnavany ŭ 1977 hodzie.
Heta rabavańnie stała čarhovym u sieryi złačynstvaŭ u śviecie mastactva.
U kastryčniku minułaha hoda złamyśniki siarod biełaha dnia pranikli ŭ paryžski Łuŭr i vykrali juvielirnyja vyraby na sumu 100 miljonaŭ dalaraŭ.
Na rabavańnie Łuŭra ŭ złamyśnikaŭ pajšło mienš za vosiem chvilin. Rabaŭnikoŭ było čaćviora; pa danych śledstva, jany dziejničali pa dobra ŭzhodnienym płanie.
Pa dadzienych uładaŭ, złačyncy vykrali vosiem pradmietaŭ — dyjademy, karali, zavušnicy i broški. Usie jany adnosiacca da XIX stahodździa i kaliści naležali siemjam francuzskich karaloŭ i impierataraŭ.
Niekalkich padazravanych z tych časoŭ zatrymali, ale pra miescaznachodžańnie vykradzienych pradmietaŭ ničoha nieviadoma.
Ciapier čytajuć
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj7
Rasijski pradaviec paśpiachovaha pośpiechu pasprabavaŭ adkryć filijał u Minsku. Reakcyja biełarusaŭ była pakazalnaj
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary