Heta voziera Syrskaje, u Homielskaj vobłaści.
Adzin vadajom Biełarusi trapiŭ u śpis zakrytych dla kupańnia zon adpačynku — heta voziera Syrskaje ŭ Homielskaj vobłaści.Pra heta paviedamiła siońnia na pres‑kanfierencyi doktar‑hihijenist adździaleńnia kamunalnaj hihijeny Respublikanskaha centra hihijeny, epidemijałohii i hramadskaha zdaroŭja Iryna Žaŭniak.
Pavodle słoŭ śpiecyjalista, vada ŭ vadajomach ličycca nieprydatnaj dla kupańnia, kali paharšajecca jaje bakteryjałahičnaja jakaść. Jak praviła, heta źviazana ź intensiŭnym razmnažeńniem mikravodaraściej i masavym kupańniem nasielnictva. U kupalny siezon bakteryjałahičnaje daśledavańnie vady ŭ vadajomach u miescach masavaha adpačynku pravodziać kožny tydzień. Pry atrymańni dvuch niezdavalniajučych vynikaŭ terytaryjalnymi orhanami dziaržnahladu vynosicca pastanova ab zabaronie kupańnia.
Pakul kupańnie zabaroniena tolki ŭ adnym vadajomie Biełarusi. Pavodle słoŭ urača‑hihijenista, na praciahu leta mohuć być zakryty dla kupańnia 40‑50 vadajomaŭ. Kupańnie dazvalajuć pry atrymańni dvuch zdavalniajučych vynikaŭ analizu vady.
U Biełarusi naličvajecca bolš jak 600 sankcyjanavanych plažaŭ. Pavodle danych na 1 červienia, sanitarna‑hihijeničnaja słužba abśledavała bolš za 80 pracentaŭ hetych zon adpačynku. Siarod ich tyja ci inšyja parušeńni vyjaŭleny ŭ 20 pracentach.
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu7
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli2727
Kamientary