Jeŭrasajuz spadziajecca, što sprečka pamiž Biełaruśsiu i Rasijaj nie paŭpłyvaje na tranzit rasijskaha hazu ŭ Jeŭropu i ŭsie kantraktnyja abaviazacielstvy buduć vykananyja. Pra heta zajaviła 21 červienia ŭ Brusieli Marlin Chołcnier, pres‑sakratar jeŭrakamisara pa pytańniach enierhietyki Hiuntera Etynhiera paviedamlaje pres‑słužba Jeŭrakamisii.
Chołcnier paviedamiła, što ranicaj 21 červienia jeŭrakamisar atrymaŭ ad vice‑premjera Rasii Ihara Siečyna infarmacyju ab skaračeńni pastavak hazu ŭ Biełaruś i analiz mahčymych nastupstvaŭ. Rasija prainfarmavała Jeŭrakamisiju ŭ ramkach sistemy rańniaha papiaredžańnia, jakaja była raspracavana ŭ 2009 hodzie.
Pavodle słoŭ Chołcnier, ES budzie ŭvažliva sačyć za raźvićciom situacyi z metaj acanić, jak skaračeńnie pastavak u Biełaruś moža adbicca na pastaŭkach hazu ŭ krainy ES, i pačynaje pravodzić pa hetym pytańni kansultacyi. Užo siońnia adbudziecca sustreča ekśpiertaŭ Jeŭrakamisii i pasolstva Rasii pry ES.
Chołcnier padkreśliła, što skaračeńnie pastavak rasijskaha hazu ŭ Biełaruś «nie abaviazkova» paŭpłyvaje na tranzit, pakolki Biełaruś «nie abaviazkova spynić pastaŭku hazu», a akramia taho, praz krainu ŭ ES idzie «nievialikaja kolkaść» hetaha paliva.
Pavodle papiarednich zaklučeńniaŭ, kali Biełaruś spynić tranzit hazu, bolš za inšych pacierpić Litva, jakaja na 100% zaležyć ad pastavak praź biełaruskuju terytoryju. Zryŭ tranzitu moža taksama adbicca na Polščy i Hiermanii, jakija ŭ hetym vypadku nie zmohuć zapampavać zapłanavanuju kolkaść hazu ŭ svaje hazaschoviščy.
Ciapier čytajuć
Biełaruska nabiła na ciele partrety Łukašenki i jaho synoŭ, Umki, Pucina dy Si Czińpina12
Kamientary