U Rasii zakipajuć radykalnyja pratestnyja nastroi, i heta moža być niebiaśpiečnym dla ŭsiaho rehijonu
«Nie priviedi Boh vidieť russkij bunt — biessmyślennyj i biespoŝadnyj» (A. Puškin)
Učorašnija fotazdymki z maskoŭskaha pradmieścia Chimki ŭražajuć.
Za adzin tolki minuły tydzień z Rasii pryjšli naviny pra pahrom maskoŭskimi anarchistami chimkinskaj administracyi i ataku miascovaha nasielnictva na čačenskuju moładź u dziciačym łahiery na Kubani. Raniej hetym letam pa rasijskim internecie prahrymieła historyja z tak zvanymi prymorskimi partyzanami — hrupaj adčajnych radykałaŭ, što syšli ŭ les i pačali adstrelvać milicyjantaŭ. Što charakterna, dziejańni «partyzanaŭ» vyklikali pieravažna stanoŭčuju reakcyju ŭ rasijskim hramadstvie.
Hetkaja aktyŭnaja ahresija ŭ rešcie rešt tak ci inakš aznačaje pratest suprać ukaranionych u siońniašniaj Rasii paradkaŭ — karupcyi, biezzakońnia, uzurpavanaści ŭłady.
Pratest pierastaŭ być ułaścivym adno tolki tradycyjnaj palityčnaj apazicyi. Jaŭnymi apazicyjanierami da ŭłady pačali siabie pazicyjanavać viadomyja dziejačyJak piša adzin pieciarburžski ahladalnik, apazicyjnaść uvajšła ŭ Rasii ŭ modu. Ale hledziačy na padziei, nie vielmi vierycca ŭ toje, što pratest abmiažujecca tolki kałonkaj Eduarda Limonava ŭ luksusavym časopisie GQ, klipam hłamurnaj śpiavački Kaci Hardon albo navat chulihanstvam bliskučaj «pop-kultury , antyŭradavyja materyjały źjaŭlajucca ŭ hlancavych maskoŭskich časopisach.
Rana ci pozna heta musiła pačacca.
Vialikaja i niepadkantrolnaja Rasija — heta nie ŭparadkavanaja napaŭtatalitarnaja Biełaruś, rasijcy, jakija «doŭha zaprahajuć, ale chutka jeduć», — heta nie pamiarkoŭnyja nardyčnyja biełarusy.Adsutnaść svabody słova i adnosna demakratyčnych vybaraŭ na lubym uzroŭni pastupova sparadžajuć u Rasii šmatkroć apisany efiekt katła z zavaranaj kryškaj, jaki pierad našymi vačyma pacichu pačynaje tryščeć.
Ułady Rasii pavinny, narešcie, pačać dziejničać u adpaviednaści z słovami prezidenta Miadźviedzieva i «madernizavać», jak heta ciapier eŭfiemična nazyvajecca, «palityčnuju sistemu» krainy.
U tym sensie, što «madernizavać» jaje chacia b da ŭzroŭnia jelcynskaha času.Inačaj nastupstvy dla Rasii i dla ŭsiaho rehijona mohuć być niepradkazalnymi.
Kamientary