«Zmahajemsia za mahčymaść narmalna dychać»

Pad Maskvoju anarchisty i antyfašysty pomścili za Chimkinski les, jaki pačali vysiakać padčas budaŭnictva novaj aŭtatrasy.

U horadzie Chimki Maskoŭskaha rajona (Rasija) moładź razharnuła raściažku «Ačyścim les ad fašysckaj akupacyi» i zakidała dymavymi šaškami, kamieńniem dy škalanymi butelkami budynak administracyi horadu. Dziejańni supravadžalisia skandavańniem «Spynim vysiečku lesu!» Mnohija maładziony zakryvali tvary čornymi šapkami. Niekatoryja stralali ŭ kirunku administracyjnaha budynku ź pistaletaŭ, vierahodna, hazavaha typu. Pra heta stała viadoma ź videa, jakoje vykłaŭ «Rasijski Newsweek».

Takim čynam moładź taksama vykazvała pratest suprać źbićcia redaktara haziety «Chimkinskaja pravda» za publikacyju adkrytaha lista da prezidenta Rasii z prośbaju spynić biazładździe ŭ Chimkinskim lesie.

Jak my ŭžo paviedamlali, što 21 lipienia na terytoryi chimkinskaha lesu źjavilisia pieršyja siem namiotaŭ abaroncaŭ lesu. Na treci dzień dva łahiera źnieśli AMAP i milicyja. Pierad šturmam źjavilisia niekalki dziesiatkaŭ maładych ludziej, jakija zakryvali svaje tvary dy pahražali zabić ekołahaŭ. Tady pravaachoŭnyja orhany zatrymali ŭdzielnikaŭ mirnaha pratestu i abvinavacili ŭ niepadparadkavańni milicyi.

«My zmahajemsia za ŭsieahulnaje prava dychać čystym pavietram, — raspaviała Jaŭhienija Čyrykava, lider ekałahičnaha ruchu ŭ abaronu Chimkinskaha lesu. — Na niejki momant nam atrymałasia spynić niezakonnuju vysiečku».

Prajekt trasy raspracoŭvaŭsia z parušeńniem zakonu, ličać aktyvisty ekałahičnaha ruchu, dziejsnyja redakcyi rasijskich Ziamielnaha i Lasnoha kodeksaŭ zabaraniali budaŭnictva na terytoryi lesaparkaŭ.

Ciapier francuzskaja kampanii Vinci pačała pad Maskvoju vysiečku lesu z boku aeraportu Šaremiećjeva. Ekołahi źbirajuć podpisy da prezidenta Rasii z prośbaju spynić źniščeńnie pojasu lesaparkaŭ vakoł Maskvy.

Isnuje alternatyŭny varyjant budaŭnictva infrastruktury šašy. «Kali trasa abminie les i projdzie la čyhunki — jana budzie na 10 km karaciej. Heta budzie bolš łahičny krok z boku ŭładaŭ,« — ličyć Jaŭhienija Čyrykava.

Alaksandr Siemčanka, kiraŭnik rasijskaj firmy «Ciepłatechnika», paviedamiŭ, što novaja šaša budzie škodzić ekałahičnaj situacyi nie bolš za dziejsnuju darohu, jakuju płanujecca zamianić. Rašeńnie budavać šašu prymałasia adzinaasobna Ministram transpartu RF Iharam Levicinym.

Chimkinski les raźmieščany la horadu Chimki, źjaŭlajecca učastkam reliktavaha miešanaha lesu — častkaju lasnoha pojasu Maskvy, zajmaje terytoryju 1000 ha. Źniščeńnie lesu pryviadzie da rezkaha paharšeńnia ŭmovaŭ pryžyvańnia ŭ horadzie Chimki, ličyć aktyvisty ekałahičnaha ruchu.

Bolšuju častku lesu płanujecca vysiekčy pad budaŭnictva infrastruktury dla šašy Maskva — Pieciarburh — pieršaj bujnoj aŭtadarohi Rasii, prajezd pa jakoj budzie płatnym.

U Biełarusi napačatku 2000-ch hadoch, dziakujučy hramadskaj aktyŭnaści, atrymałasia zachavać bolšuju častku minskaha lasnoha masivu ŭ Kurapatach, dzie płanavałasia pašyreńnie Minskaj kalcavoj darohi. Rasijskija ekołahičnyja ruchi dy zacikaŭlenaja moładź spadziajecca padčas abarony ŭ pieršuju čarhu na padtrymku hramadzianaŭ.

• 0
• 0
• 0
• 0
• 0
• 0
• 0
• 0