Пад Масквою анархісты і антыфашысты помсцілі за Хімкінскі лес, які пачалі высякаць падчас будаўніцтва новай аўтатрасы.
Пад Масквою анархісты і антыфашысты помсцілі за Хімкінскі лес, які пачалі высякаць падчас будаўніцтва новай аўтатрасы.
У горадзе Хімкі Маскоўскага раёна (Расія) моладзь разгарнула расцяжку «Ачысцім лес ад фашысцкай акупацыі» і закідала дымавымі шашкамі, каменнем ды шкалянымі бутэлькамі будынак адміністрацыі гораду. Дзеянні суправаджаліся скандаваннем «Спынім высечку лесу!» Многія маладзёны закрывалі твары чорнымі шапкамі. Некаторыя стралялі ў кірунку адміністрацыйнага будынку з пісталетаў, верагодна, газавага тыпу. Пра гэта стала вядома з відэа, якое выклаў «Расійскі Newsweek».
Такім чынам моладзь таксама выказвала пратэст супраць збіцця рэдактара газеты «Химкинская правда» за публікацыю адкрытага ліста да прэзідэнта Расіі з просьбаю спыніць бязладдзе ў Хімкінскім лесе.
Як мы ўжо паведамлялі, што 21 ліпеня на тэрыторыі хімкінскага лесу з’явіліся першыя сем намётаў абаронцаў лесу. На трэці дзень два лагера знеслі АМАП і міліцыя. Перад штурмам з’явіліся некалькі дзесяткаў маладых людзей, якія закрывалі свае твары ды пагражалі забіць эколагаў. Тады праваахоўныя органы затрымалі ўдзельнікаў мірнага пратэсту і абвінавацілі ў непадпарадкаванні міліцыі.
«Мы змагаемся за ўсеагульнае права дыхаць чыстым паветрам, — распавяла Яўгенія Чырыкава, лідэр экалагічнага руху ў абарону Хімкінскага лесу. — На нейкі момант нам атрымалася спыніць незаконную высечку».
Праект трасы распрацоўваўся з парушэннем закону, лічаць актывісты экалагічнага руху, дзейсныя рэдакцыі расійскіх Зямельнага і Ляснога кодэксаў забаранялі будаўніцтва на тэрыторыі лесапаркаў.
Цяпер французская кампаніі Vinci пачала пад Масквою высечку лесу з боку аэрапорту Шарэмецьева. Эколагі збіраюць подпісы да прэзідэнта Расіі з просьбаю спыніць знішчэнне поясу лесапаркаў вакол Масквы.
Існуе альтэрнатыўны варыянт будаўніцтва інфраструктуры шашы. «Калі траса абміне лес і пройдзе ля чыгункі — яна будзе на 10 км карацей. Гэта будзе больш лагічны крок з боку ўладаў,« — лічыць Яўгенія Чырыкава.
Аляксандр Семчанка, кіраўнік расійскай фірмы «Цеплатэхніка», паведаміў, што новая шаша будзе шкодзіць экалагічнай сітуацыі не больш за дзейсную дарогу, якую плануецца замяніць. Рашэнне будаваць шашу прымалася адзінаасобна Міністрам транспарту РФ Ігарам Левіціным.
Хімкінскі лес размешчаны ля гораду Хімкі, з’яўляецца участкам рэліктавага мешанага лесу — часткаю ляснога поясу Масквы, займае тэрыторыю 1000 га. Знішчэнне лесу прывядзе да рэзкага пагаршэння ўмоваў прыжывання ў горадзе Хімкі, лічыць актывісты экалагічнага руху.
Большую частку лесу плануецца высекчы пад будаўніцтва інфраструктуры для шашы Масква — Пецярбург — першай буйной аўтадарогі Расіі, праезд па якой будзе платным.
У Беларусі напачатку
Каментары