Abrabavańnie banku
Abrabavańnie bankuJon schavaŭsia ŭ pamiaškańni banku i dačakaŭsia 17-j hadziny, pakul try kasirki nie zakryli adździaleńnie, a paśla napaŭ na ich. Dźviuch kasirak jon zakryŭ u bankaŭskaj prybiralni, ale im udałosia źviazacca ź dziažurnym pultam. Milicyja prybyła litaralna praz chvilinu, i rabaŭnik, jaki zrazumieŭ, što inšaha vyjścia ŭ jaho niama, zdaŭsia sam. Pa słovach apieratyŭnikaŭ, jon pakłaŭ hrošy nazad u siejf, i sam loh na padłohu, skłaŭšy ruki za śpinaj. Masku i palčatki jon źniaŭ.«Minsk-Maskva» na vulicy Łabanka, 22 skončyłasia niaŭdačaj dla złačyncy.
Niaŭdałaja zdabyča rabaŭnika pavinna była skłaści 650 miljonaŭ biełaruskich rubloŭ, 37 tysiač dalaraŭ, 29 tysiač jeŭra i 750 tysiač rasijskich rubloŭ.Pra samoha złačyncu viadoma, što jon biespracoŭny i niesudzimy, pražyvaŭ niedaloka ad banku i vybraŭ mienavita hety bank, bo ŭ im adsutničaje sistema videanazirańnia. Na siabie jon apranuŭ džynsy i kašulu, a pad ich majku i šorty — kali b jahony płan ździejśniŭsia, apaznać jaho na vulicy było b niemahčyma.
Supracoŭniki banku admaŭlajucca kamientavać zdareńnie — źviazacca z paciarpiełymi kasirkami taksama niemahčyma, viadoma tolki toje, što adna ź ich ciažarnaja, i paśla pieraniesienaha šoku była adpraŭlena ŭ radzilniu. Jak paviedamiŭ nam kiraŭnik hrupy infarmacyi i hramadskich suviaziaŭ Departamientu achovy MUS Alaksandr Hierasimaŭ, u Biełarusi pravierana na pradmiet sistemy achovy 790 punktaŭ abmienu, pravierku prajšli ŭsie — praca nivodnaha punktu nie prypyniena. Ale ŭ 30 pracentach punktaŭ abmienu adsutničaje videanazirańnie, 21 pracent nie zdajecca na achovu padčas pierapynkaŭ, a ŭ 20 pracentach niama «tryvožnych» knopak. Taksama treba zaznačyć, što taki vypadak dla Biełarusi — redkaść. Čaściej za ŭsio rabujuć bankamaty, a letaś byŭ usplosk abrabavańniaŭ abmiennych punktaŭ.
Biełarusy sustrakajuć vyzvalenych palitviaźniaŭ u Vilni FOTY i VIDEA3
Kamientary