U Biełarusi abjom pradadzienych nasielnictvu ŭ studzieni-lipieni biahučaha hoda załatych miernych źlitkaŭ skłaŭ 510,4 kh (16335 štuk), što na 36 pracentaŭ mienš, čym za anałahičny pieryjad minułaha hoda, paviedamili va ŭpraŭleńni infarmacyi Nacyjanalnaha banka Biełarusi.
Najbolšy popyt byŭ adznačany na 1- i 10-hramovyja załatyja źlitki, jakich za siem miesiacaŭ pradadziena adpaviedna 4490 i 3706 štuk. Adznačana taksama cikavaść da 5-hramovych miernych źlitkaŭ z zołata. Akramia taho, u studzieni-lipieni było nabyta 140 źlitkaŭ pa 1 kh i 56 - pa 0,5 kh. Z pačatku hoda bankami nazad vykuplena kala 297 kh zołata.
Załatyja miernyja źlitki nasielnictvu pradajuć Nacyjanalny bank praz svaje hałoŭnyja ŭpraŭleńni i adździaleńni (sa žniŭnia 2001 hoda) i šerah kamiercyjnych bankaŭ. Za hety čas ahulnaja vaha pradadzienych źlitkaŭ skłała kala 6756,8 kh, vykuplenych nazad - 1189,3 kh. Źlitki vyrableny z zołata vyšejšaj proby (999) naminałam 1, 5, 10, 20, 50, 100, 250, 500, 1000 h. Ciapier u najaŭnaści jość źlitki ŭsich naminałaŭ. Apieracyi ź imi ažyćciaŭlajuć usie hałoŭnyja ŭpraŭleńni Nacyjanalnaha banka pa abłaściach i horadzie Minsku, adździaleńni ŭ Babrujsku, Barysavie, Maładziečnie, Mazyry, Drahičynie, Baranavičach, Pinsku, Žłobinie, Lidzie, Oršy i Połacku.
Pavodle danych na 6 žniŭnia 2010 hoda, cana prodažu adnahramovaha załatoha źlitka była ŭstanoŭlena Nacyjanalnym bankam u pamiery Br142,56 tys., źlitka 1 kh - Br119,9 młn.
Z 14 krasavika 2005 hoda Nacbank pačaŭ realizacyju siarebranych i płacinavych miernych źlitkaŭ.
Za studzień-lipień biahučaha hoda žychary Biełarusi nabyli 616 płacinavych źlitkaŭ ahulnaj vahoj kala 17,7 kh, što ŭ 2,5 raza bolš, čym za anałahičny pieryjad 2009 hoda. Nazad bankami ŭ studzieni - lipieni 2010 hoda vykuplena 13 kh takich źlitkaŭ. Vialikim popytam karystajucca 10-hramovyja źlitki. Cana prodažu 1-hramovaha płacinavaha źlitka na 6 žniŭnia biahučaha hoda skłała Br201,96 tys., źlitka 0,5 kh - Br79,2 młn. Usiaho z pačatku prodažu hetych źlitkaŭ nasielnictvam nabyta 81,6 kh płaciny, vykuplena nazad - 31,4 kh.
Abjom pradadzienych za siem miesiacaŭ siarebranych źlitkaŭ skłaŭ 436,9 kh (6288 štuk). Heta na 35 pracentaŭ mienš, čym u studzieni - lipieni 2009 hoda. Najbolš papularnyja 20-hramovyja siarebranyja źlitki. Zvarotny vykup skłaŭ 104,57 kh. Pavodle danych na 6 žniŭnia, cana prodažu 10-hramovaha siarebranaha źlitka skłała Br44,55 tys., źlitka 1 kh - Br2,06 młn. Usiaho z pačatku prodažu hetych źlitkaŭ nasielnictvam nabyta 2842,6 kh sierabra, vykuplena nazad - 712,1 kh.
Realizacyja siarebranych i płacinavych miernych źlitkaŭ z abrevijaturaj Nacyjanalnaha banka Biełarusi naładžana ŭ metach usiebakovaha raźvićcia ŭnutranaha rynku kaštoŭnych mietałaŭ, a taksama pradastaŭleńnia fizičnym i jurydyčnym asobam nadziejnaha i likvidnaha abjekta invieściravańnia svabodnych hrašovych srodkaŭ. Miernyja źlitki z kaštoŭnych mietałaŭ dajuć mahčymaść nasielnictvu bolš efiektyŭna rasparadžacca srodkami i zastrachavać ich ad mahčymych ryzyk.
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš9
Kamientary