Milinkievič vyznačycca nakont udziełu ŭ vybarach u čaćvier
Rašeńnie ab farmacie ŭdziełu ŭ prezidenckich vybarach lidera ruchu «Za Svabodu» Alaksandra Milinkieviča budzie abjaŭlena na praciahu dvuch dzion, paviedamiŭ jaho namieśnik Juryj Hubarevič.
Nahadajem, vybary prezidenta ŭ Biełarusi projduć 19 śniežnia 2010 hoda. Takuju pastanovu pryniała 14 vieraśnia Pałata pradstaŭnikoŭ Nacyjanalnaha schodu.
«Ciapier my pravodzim kansultacyi z členami rady ruchu. Svajo rašeńnie my budziem prymać, zychodziačy z vykanańnia ŭładami našaha patrabavańnia ab tym, kab niezaležnym kandydatam było pradstaŭlena prava na ŭklučeńnie svaich pradstaŭnikoŭ u vybarčyja kamisii ŭsich uzroŭniaŭ», — skazaŭ jon.
Hubarevič taksama adznačyŭ, što pravodziacca kansultacyi «ź blizkimi ruchu pretendentami na pasadu prezidenta». U pryvatnaści, adna z takich sustreč prajšła 13 vieraśnia ŭ vioscy Bieršty (Hrodzienskaja vobłaść). U joj udzielničali Milinkievič, lider Partyi BNF Ryhor Kastusioŭ, namieśnik staršyni Biełaruskaj partyi «Zialonyja» Juryj Hłušakoŭ, palityk Aleś Michalevič. Usie jany raniej zajaŭlali pra svoj mahčymy ŭdzieł u vybarach u jakaści kandydata ŭ prezidenty.
Hubarevič nie staŭ paćviardžać infarmacyju ab mahčymaj admovie Milinkieviča vyłučacca kandydatam u prezidenty.
«Razhladajucca roznyja varyjanty ŭdziełu ŭ vybarach. Ale ruch „Za Svabodu“ nie budzie ihnaravać vybarčuju kampaniju», — padkreśliŭ jon.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary