U Biełarusi admoŭnaje salda źniešniaha handlu tavarami za studzień—žnivień 2010 hoda skłała 5 młrd. 13,6 młn. dołaraŭ, paviedamlaje pres-słužba Nacyjanalnaha statystyčnaha kamiteta. Za anałahičny letašni pieryjad hety pakazčyk składaŭ 4 młrd. 651,2 młn. dołaraŭ, a ŭ studzieni—lipieni 2010 hoda — 4 młrd. 201,1 młn.
U studzieni—žniŭni hetaha hoda ab`iem źniešniaha handlu tavarami pavialičyŭsia na 16,1% u paraŭnańni sa studzieniem—žniŭniem 2009 hoda i skłaŭ 35 młrd. 796,4 młn. dołaraŭ. Za nazvany pieryjad ekspart pavialičyŭsia na 17,6% da 15 młrd. 391,4 młn. dołaraŭ, impart — na 15% da 20 młrd. 405 młn.
Admoŭnaje salda ŭ handli z krainami SND skłała 3 młrd. 911,3 młn. dołaraŭ (za studzień—žnivień 2009 hoda — minus 5 młrd. 676 młn.). Ekspart vyras na 47,8% da 8 młrd. 366,5 młn. dołaraŭ, impart — na 8,3% da 12 młrd. 277,8 młn. Ab`iom źniešniaha handlu skłaŭ 20 młrd. 644,3 młn. dołaraŭ (na 21,5% bolš).
Admoŭnaje salda ŭ handli z RF skłała 4 młrd. 833,4 młn. dołaraŭ (za studzień—žnivień 2009 hoda — minus 6 młrd. 328,2 młn.). Źniešniehandlovy abarot z Rasijaj pavialičyŭsia na 17,1% da 16 młrd. 993,6 młn. dołaraŭ. Ekspart vyras na 48,7% (da 6 młrd. 80,1 młn.), impart — na 4,8% (da 10 młrd. 913,5 młn.).
Źniešniehandlovy abarot z Kazachstanam pavialičyŭsia na 97,8% da 498,7 młn. dołaraŭ. Ekspart vyras na 54,5% da 316,6 młn., impart — u 3,8 razu da 182,1 młn. Stanoŭčaje salda ŭ handli z hetaj krainaj skłała 134,5 młn. dołaraŭ (za studzień—žnivień 2009 hoda — 157,6 młn. sa znakam plus).
Źniešniehandlovy abarot z krainami dalokaha zamiežža pavialičyŭsia na 9,5% i skłaŭ 15 młrd. 152,1 młn. dołaraŭ. Ekspart źniziŭsia na 5,5% da 7 młrd. 24,9 młn., impart pavialičyŭsia na 26,8% da 8 młrd. 127,2 młn. Admoŭnaje salda skłała 1 młrd. 102,3 młn. dołaraŭ (za anałahičny letašni pieryjad — 1 młrd. 24,8 młn. dołaraŭ sa znakam plus).
Maryna Nosava, BiełaPAN.
Ciapier čytajuć
Miedyjny pres-sakratar MNS Vital Damboŭski pajšoŭ u psichołahi-seksołahi3
Kamientary