Sojm Litvy pryniaŭ 24 kastryčnika rezalucyju «Pra vizavuju palityku EZ», u jakoj, u pryvatnaści, zaklikaŭ Brusel źnizić taryfy na atrymańnie šenhienskich vizaŭ dla hramadzianaŭ krain, jakija nie ŭvachodziać u Eŭraźviaz.
Sojm Litvy pryniaŭ 24 kastryčnika rezalucyju «Pra vizavuju palityku EZ», u jakoj, u pryvatnaści, zaklikaŭ Brusel źnizić taryfy na atrymańnie šenhienskich vizaŭ dla hramadzianaŭ krain, jakija nie ŭvachodziać u Eŭraźviaz.
U dakumencie havorycca, što siabry EZ, Eŭraparlament i Eŭrakamisija musiać «aktyŭna pravodzić eŭrapiejskuju palityku dobrasusiedztva i jak maha chutčej pačać abmierkavańnie spraščeńnia vizavaha režymu z Armienijaj i Azerbajdžanam, šukać sposaby i srodki, u tym liku adnabakovyja, jak palehčyć vizavy režym hramadzianam Biełarusi i Kalininhradzkaj vobłaści».
Nahadajem, što z 1 studzienia 2007 hodu dla hramadzianaŭ krain, jakija nie ŭvachodziać u Eŭraźviaz, cana šenhienskaj vizy pavyšajecca da 60 eŭraŭ.
Pavodle BIEŁTA
❏
A tym časam:
Tolki Słavienija ŭvojdzie ŭ Šenhien u 2007 hodzie?
Tolki Słavienija ŭvojdzie ŭ šenhienskuju zonu ŭ 2007 hodzie, – piša štodziońnik «International Herald Tribune» z spasyłkaj na słovy kamisara EZ pa ŭnutranych pytańniach Franka Fratyni.
— Mahu ščyra skazać, što na siońnia tolki Słavienija budzie ŭ stanie technična vykanać terminy i datrymacca hrafiku, – skazaŭ Fratyni ŭ paniadziełak.
Śpiarša planavałasia, što ŭ kastryčniku 2007 hodu da šenhienskaj zony mielisia dałučycca ŭsie novyja dziaržavy EZ, u tym liku i Polšča.
Eŭrakamisija, adnak, paviedamiła, što jany nia zdolejuć uvajści ŭ Šenhien u nastupnym hodzie z-za prablemaŭ z zapuskam novaj kamputarnaj systemy bazy dadzienych, a taksama inšych pravavych dy techničnych składanaściaŭ.
Niekatoryja novyja členy EZ, tym nia mienš, bačać u hetym vyklučna palityčnyja pryčyny, nibyta «staryja» dziaržavy EZ paprostu nia chočuć pašyrać šenhienskuju zonu na ŭschod.
Fratyni zajaviŭ, što astatnija novyja členy EZ uvojduć u šenhienskuju zonu da červienia 2008-ha.
Pavodle Gazeta.pl
Ciapier čytajuć
Prakuratura pra śmierć Miełkaziorava: žurnalist mieŭ chraničnuju chvarobu20
Prakuratura pra śmierć Miełkaziorava: žurnalist mieŭ chraničnuju chvarobu
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3636
Kamientary