Zbornaja Sieniehała stała čempijonam Afryki pa futbole, pieramohšy ŭ skandalnym finale
Zbornaja Sieniehała ŭ skandalnym finale pieramahła zbornuju Maroka i stała čempijonam Afryki pa futbole. Finalny matč Kubka afrykanskich nacyj prajšoŭ u marakanskim Rabacie. U dadatkovy čas sieniehalcy zdoleli abyhrać haspadaroŭ turniru ź likam 1:0, adziny hoł na 94‑j chvilinie zabiŭ Pap Hieje.
Asnoŭny čas sustrečy zaviaršyŭsia hučnym skandałam. Na vośmaj dadadzienaj chvilinie arbitr pryznačyŭ pienalci ŭ varoty Sieniehała, paśla čaho hałoŭny trenier kamandy, nie zhodny z hetym rašeńniem, rasparadziŭsia vyvieści futbalistaŭ z pola. Heta vyklikała biesparadki na trybunach: častka sieniehalskich zaŭziataraŭ vybiehła da pola i ŭstupiła ŭ sutyčki z achovaj.
Situacyju ŭdałosia supakoić dziakujučy lidaru zbornaj Sieniehała Sadyjo Mane, jaki ŭhavaryŭ kamandu viarnucca ŭ hulniu. Adnak marakaniec Braim Dyjas, jaki vystupaje za madrydski «Reał», paśla taho nie zmoh realizavać toj samy złaščasny pienalci, pasprabavaŭšy prabić u styli «panienka». Sieniehalcy ž paśla svoj šaniec vykarystali.
Dla Sieniehała heta ŭžo druhaja pieramoha ŭ historyi Kubka afrykanskich nacyj — raniej kamanda brała tytuł u 2021 hodzie. Maroka ž, niahledziačy na chatni stadyjon, druhi raz u svajoj historyi sastupiła ŭ finale.
Prezident Sieniehała Basiru Dyjamaj Faj abviaściŭ 19 studzienia apłatnym vychadnym dniom pa ŭsioj krainie ŭ honar čempijonstva.
Najlepšy hulec turniru Sadyjo Mane paśla finału paviedamiŭ, što płanuje zaviaršyć karjeru ŭ nacyjanalnaj zbornaj. 33‑hadovy forvard pravioŭ za kamandu Sieniehała 124 matčy i zabiŭ 52 hały. Na kłubnym uzroŭni jon najbolš viadomy pa vystupleńniach za anhlijski «Livierpul», dzie ŭ 269 matčach zabiŭ 120 miačoŭ. Ciapier Mane vystupaje za saudaŭski «Al-Nasr».
U toj ža čas Fiederacyja futboła Maroka źvierniecca ŭ FIFA i Afrykanskuju kanfiederacyju futboła z-za sychodu zbornaj Sieniehała z pola ŭ finale, ličačy, što hety epizod istotna paŭpłyvaŭ na chod matča i jaho vynik.
Ciapier čytajuć
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju3
Viaskoviec z-pad Babrujska imitavaŭ svaju śmierć, kab nie płacić pazyki, a paśla zahinuŭ na vajnie za Rasiju
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1717
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru17
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary
Potym hety ž sudzia pryznačyŭ sprečnaje pinalcy ŭ bramu Siniehała.
Sudzia byŭ 12-m hulcom ŭ kamandzie Maroka. I heta bačyli ŭsie.