Siastra Alaksandra Kłaskoŭskaha-małodšaha viarnułasia ŭ Biełaruś paśla piaci hadoŭ emihracyi
Volha Kłaskoŭskaja, siastra aryštavanaha pa spravie ab padziejach 19 śniežnia Alaksandra Kłaskoŭskaha, tydzień tamu viarnułasia ŭ Biełaruś paśla piaci hadoŭ emihracyi.
«Ja źbirałasia viarnucca ŭ Biełaruś praź niekalki hadoŭ u lubym vypadku, bo nie baču siabie ŭ jakaści emihrantki, — paviedamiła Kłaskoŭskaja BiełaPAN. — Ale paśla taho, što zdaryłasia z maim bratam Alaksandram, vyrašyła, što abaviazana być pobač ź im.
Viartańnie ŭ Biełaruś — adzinaja mahčymaść jaho ŭbačyć i padtrymać».
Kłaskoŭskaja ŭžo adniesła bratu pieradaču, a taksama atrymała ad jaho pieršy list na svajo imia. «U liście jon šmat cikavicca dziećmi, maimi spravami», — paviedamiła Volha.
Pavodle jaje infarmacyi, praces pa spravie Alaksandra Kłaskoŭskaha projdzie ŭ sudzie Leninskaha rajona Minska,
«chutčej za ŭsio, u mai». Vieści sudovaje pasiadžeńnie budzie sudździa Ludmiła Hračova.
***
Jak paviedamlałasia, pavodle infarmacyi pravaabaroncaŭ, sumiesna sa spravaj Kłaskoŭskaha buduć razhladacca spravy ŭ dačynieńni da byłych kandydataŭ u prezidenty Dźmitryja Usa, Mikałaja Statkieviča, udzielnikaŭ akcyi pratestu na płoščy Niezaležnaści 19 śniežnia 2010 hoda Andreja Paźniaka, Alaksandra Kviatkieviča, Arcioma Hrybkova i Dźmitryja Bułanava.
Nahadajem, były supracoŭnik milicyi Alaksandr Kłaskoŭski byŭ zatrymany ŭ noč na 21 śniežnia ŭ siabie doma ŭ suviazi z udziełam 19 śniežnia ŭ niesankcyjanavanaj akcyi ŭ Minsku i pamieščany ŭ SIZA KDB. Jamu pradjaŭlena abvinavačańnie ŭ arhanizacyi i ŭdziele ŭ masavych biesparadkach (čč. 1 i 2 art. 293 KK), u źniavazie pradstaŭnika ŭłady (art. 369 KK) i ŭ samavolnym prysvajeńni zvańnia abo ŭłady słužbovaj asoby (art. 382 KK). Kłaskoŭskamu pahražaje da 15 hadoŭ pazbaŭleńnia voli.
Ciapier čytajuć
U dzień, kali pamiłavali palitviaźnia Daronina, jahonaj žoncy prysudzili 8,5 hadoŭ kałonii za ŭdzieł u dvarovym čacie5
Kamientary