Aktyvista kampanii «Havary praŭdu» Paŭła Vinahradava asudzili na 4 hady źniavoleńnia ŭ kalonii ŭzmocnienaha režymu, maładafrontaŭca Alesia Kirkieviča — na 4 hady, siabra inicyjatyŭnaj hrupy Sańnikava Dźmitryja Drazda — na 3 hady, biespartyjnaha Andreja Pratasieniu — na 3 hady, Uładzimiera Chamičenku — na 3 hady.
Staršynia Fondu raźvićcia pravavych technalohijaŭ Alena Tankačova adznačaje, što napiaredadni byli apublikavanyja materyjały mižnarodnaj ekspertyzy padziejaŭ 19 śniežnia. Tam zroblenaja vysnova, što masavych biesparadkaŭ u Miensku nie było.
«Kožny raz my čakajem, što hety represiŭny uchił źmienicca. My byli ŭ niekatorym sensie ŭpeŭnienyja, što ŭ tym liku i vyniki ekspertyzy i padrabiaznyja daśledavańni dokazaŭ usio ž pryviaduć sud da nieabchodnaści admovicca ad prymianieńnia artykułu «masavyja biesparadki.
Na žal, prysud, jaki my pačuli siońnia — heta praciah raniej abranaj stratehii. Prysud nadzvyčaj žorstki, to bok niepraparcyjny źmiestu pravaparušeńniaŭ. Hetyja prysudy rana ci pozna buduć pierahledžanyja.Heta kožny raz nastolki sumna i baluča bačyć, jak na tvaich vačach prymajucca zusim niematyvavanyja rašeńni. A dalej za imi iduć čałaviečyja losy».
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»40
Kamientary