Viadomy pravaabaronca źviarnuŭsia u viciebskuju prakuraturu z prośbaj aryštavać jaho.
Valery Ščukin, viadomy biełaruski pravaabaronca, źviarnuŭsia u viciebskuju prakuraturu z prośbaj aryštavać jaho.
Ščukin žadaje trapić u śledčy izalatar ci izalatar časovaha utrymańnia, tamu što heta zastałosia dla jaho adzinaj mahčymaściu pryniać udzieł u hałasavańni padčas vybaraŭ. Dahetul Valery Ščukin mieŭ praciahłuju pierapisku z administracyjaj Pieršamajskaha rajonu. Jon prasiŭ zanieści jaho u śpis vybarščykaŭ 52‑ha učastka, dzie Ščukin, jaki nie maje pastajannaha miesca žycharstva, tym nie mienš znachodzicca užo kala troch hadoŭ.
Administracyja admoviłsia pryznać 64‑hadovaha hramadzianina Biełarusi, bamža Ščukina vybarščykam. Admoviŭ jamu i sud, kali Ščukin pamknuŭsia abskardzić dziejańni administracyi Pieršamajskaha rajonu. Tady pravaabaronca vyrašyŭ, što na dzień vybaraŭ jon pavinien trapić u miescy źniavoleńnia, tamu što źniavolenyja majuć prava hałasavać. Učyniać złačynstva dziela hetaha Valery Ščukin nie žadaje, tamu vyrašyŭ paprasicca u izalatar «pa‑dobramu». 19 śniežnia jon dasłaŭ u prakuraturu svajo chadatajstva.
U prakuratury jaho jašče nie atrymali, adnak jurysty śćviardžajuć, što Ščukinu u jaho prośbie budzie admoŭlena. Kab trapić za kraty, asabistaha žadańnia niedastatkova, treba chacia b vokny kamu-niebudź pabić.
Kamientary