Advakaty, što baranili palitviaźniaŭ, źviedali vialiki pieraśled.
Jak paviedamlaje sajt Ministerstva justycyi, hałoŭnymi ŭpraŭleńniami justycyi zaćvierdžany składy atestacyjnych kamisij. U ich uklučany kiraŭniki ŭpraŭleńniaŭ justycyi, kalehij advakataŭ, sudździ, deputaty, pradstaŭniki jurydyčnaj navuki.
Atestacyjnyja kamisii, jakija ŭznačalvajuć načalniki adpaviednych hałoŭnych upraŭleńniaŭ justycyi, razhledziać pracu advakataŭ zychodziačy ź jakasnych i kolkasnych pakazčykaŭ ich dziejnaści pa abaronie pa kryminalnych spravach, pradstraŭnictvie pa hramadzianskich spravach, spravach, što ŭźnikajuć z haspadarčych (ekanamičnych) sprečak, i spravach ab administracyjnych pravaparušeńniach.
Pry acency dziejnaści buduć uličvacca praca pa pravavoj aśviecie nasielnictva i ŭdzieł u akazańni jurydyčnaj dapamohi žycharam sielskaj miascovaści i ahraharadkoŭ. Pry atestacyi buduć uličvacca zaachvočvańni advakataŭ, a taksama dyscyplinarnyja spahnańni, fakty parušeńnia dziejnaha zakanadaŭstva, paviedamlaje sajt Miniusta.
«Vyniki atestacyi dazvolać dać realnuju acenku jakaści i efiektyŭnaści dziejnaści jak kožnaha advakata, tak i adpaviednaj rajonnaj jurydyčnaj kansultacyi i abłasnoj (Minskaj haradskoj) kalehii advakataŭ u cełym», — adznačajecca ŭ paviedamleńni.
Nahadajem, u lutym Miniust pazbaviŭ licenzij čatyroch advakataŭ Minskaj haradskoj kalehii advakataŭ
— Aleha Ahiejeva, Taćcianu Ahiejevu, Uładzimira Tołścika i Tamaru Harajevu, jakija abaraniali fihurantaŭ spravy ab masavych biesparadkach u Minsku 19 śniežnia.
3 sakavika sa składu kalehii byŭ vyklučany advakat Pavieł Sapiełka.
23 sakavika Miniust papiaredziŭ prezidyum Minskaj haradskoj kalehii advakataŭ ab mahčymaści prymianieńnia da «niekatorych słužbovych asob» prezidyuma dyscyplinarnaha i administracyjnaha charaktaru ŭ vypadku «praciahu palityki kanfrantacyi» i «palityzavańnia pytańniaŭ spynieńnia dziejańnia licenzij» členaŭ kalehii.
6 červienia Pavieł Sapiełka źviarnuŭsia ŭ Kanstytucyjny sud Biełarusi z prośbaj dać acenku zahadu Miniusta ab pazačarhovaj atestacyi advakataŭ. U zvarocie adznačajecca, što zhodna ź dziejnymi normami zakanadaŭstva «atestacyju advakataŭ pravodzić atestacyjnaja kamisija kalehii advakataŭ, jakaja pryznačajecca prezidyumam adpaviednaj kalehii advakataŭ. Skład atestacyjnaj kamisii farmirujecca nie mienš čym ź piaci kvalifikavanych advakataŭ, jakija majuć staž pracy ŭ advakatury nie mienš čym piać hadoŭ i nie padlahajuć atestacyi na hety momant».
Były advakat śćviardžaje, što zahad Miniusta supiarečyć narmatyŭnym aktam, jakija rehulujuć advakackuju dziejnaść, u tym liku pałažeńniam zakona «Ab advakatury» i pastanovie Miniusta «Ab zaćviardžeńni Instrukcyi ab paradku praviadzieńnia atestacyi advakataŭ». U ich nidzie naŭprost nie havorycca ab pazačarhovaj atestacyi advakataŭ.
Čytać taksama: Dziakuj Advakatu
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»8
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary