Čym skončyłasia zatrymańnie čornaha «Miersedesa» na Pryvakzalnaj 3 lipienia? Chto viedaje, adhukniciesia
«Pieriemien triebujut naši sierdca!» — bolš za dziesiać chvilin hetaja pieśnia Viktara Coja hučała na ŭsiu moc z čornaha «Mersedesa».
«Pieriemien triebujut naši sierdca! Pieriemien triebujut naši hłaza!» — bolš za dziesiać chvilin hetaja pieśnia Viktara Coja hučała na ŭsiu moc z čornaha «Mersedesa», jaki pryparkavaŭsia la vakzała. Da kiroŭcy padyšoŭ supracoŭnik DAI, zatym da aŭto pradstaŭnickaha kłasa padjechała patrulnaja mašyna daišnikaŭ i evakuatar.
— U mianie zabrali pravy, skazali, što aštrafujuć za niapravilnuju parkoŭku, — raspaviała «Kamsamołcy»
Da čornaha «Mersedesa» stali padychodzić ŭdzielniki maŭklivaj akcyi, plaskać. Paśla patrabavańnia supracoŭnikaŭ DAI vyjści z aŭto maładyja ludzi zabłakavalisia i praciahvali słuchać pieśniu «Pieramien!». Na padmacavańnie pryjšli kala 50 čałaviek u cyvilnym, atačyli mašynu, paśla čaho dastali chłopca z «Mersedesa» i pierasadzili ŭ aŭtazak. Za rul aŭto sieŭ supracoŭnik DAI i źjechaŭ u nieviadomym kirunku razam ź dziaŭčynaj.
— Takija numary krutyja! Cikava, chto hetyja ludzi? — dumali minaki.
Daviedacca, čym skončyłasia hetaja historyja, akazałasia niemahčyma. Ni ŭ haradskoj DAI, ni ŭ DAI Kastryčnickaha rajona niama infarmacyi pa hetaj mašynie i incydentu, jaki adbyŭsia ŭviečary 3 lipienia, piša KP u Biełarusi.
Kali ŭ vas jość niejkaja infarmacyja nakont zdareńnia na Pryvakzalnaj — paviedamlajcie ŭ kamientarach da hetaha artykuła.
Ciapier čytajuć
Łukašenka vykazaŭsia pra deficyt miedykaŭ i prapanavaŭ im pracavać bolš6
Kamientary