Pra heta zajaviŭ prem'jer-ministr Biełarusi 3 žniŭnia padčas rabočaj pajezdki ŭ Drahičynski rajon Bresckaj vobłaści, paviedamiła pres-słužba ŭrada.
Miaśnikovič aznajomiŭsia z chodam realizacyi inviestycyjnaha prajekta pa arhanizacyi vytvorčaści kukuruznaha kruchmału, miedycynskaj hlukozy i praduktaŭ na asnovie pataki i hlukozy na RUVP «Ekzon-Hlukoza», a taksama sustreŭsia z pracoŭnym kalektyvam pradpryjemstva.
«Bijatechnałahičnaja pradukcyja źjaŭlajecca vysokalikvidnaj, impartazamiaščalnaj. I siońnia havorka idzie pra toje, kab ajčynnyja pradpryjemstvy, jakija pracujuć u hetaj śfiery, zmahli padvoić-patroić abjomy jaje vytvorčaści, pavialičyć realizacyju jak na ŭnutranym rynku, tak i za miežami krainy. Dla hetaha nieabchodna bolš aktyŭna ŭkaraniać inavacyjnyja technałohii, pavyšać jakaść pradukcyi, pašyrać jaje asartymient», — padkreśliŭ kiraŭnik urada.
U pryvatnaści, zakranuŭšy dziejnaść RUVP «Ekzon-Hlukoza», prem'jer-ministr adznačyŭ, što tut razhladajecca mahčymaść dalejšaha raźvićcia vytvorčaści bijałahična aktyŭnych dabavak, farmaceŭtyčnaj pradukcyi.
U svaju čarhu staršynia kancerna «Biełbijafarm» Michaił Čarapok paviedamiŭ, što ciapier mahutnaści RUVP «Ekzon-Hlukoza» dazvalajuć vypracoŭvać u hod da 10 tys. ton kruchmałapraduktaŭ, što ŭ poŭnym abjomie zakryvaje patreby ŭnutranaha rynku. U minułym hodzie dola ajčynnych kruchmałapraduktaŭ na ŭnutranym rynku skłała 75%. Z hetaha hoda RUVP «Ekzon-Hlukoza» poŭnaściu pierachodzić na ajčynnuju syravinu: sfarmiravany zakaz na pastaŭku 19 tys. ton nasieńnia kukuruzy, ź jakich 12 tys. ton pavinna pastavić Bresckaja vobłaść, astatnija — Homielskaja i Hrodzienskaja. Hety abjom dazvolić vypracavać nieabchodny dla ŭnutranych patreb abjom kruchmałapraduktaŭ bieź impartu syraviny, adznačyŭ staršynia kancerna.
Kamientary