Śpikier siejma Polščy Hžehaž Schietyna ličyć nieabchodnym pryciahnuć da adkaznaści asob, vinavatych u pieradačy polskaj prakuraturaj u Minsk infarmacyi ab biełaruskich apazicyjanierach.
«Pratest MZS, ździŭleńnie i abureńnie, jakoje my čujem pa hetym pytańni, pavinny pryvieści da taho, što hienieralny prakuror pryciahnie da adkaznaści ludziej, jakija dapuścili takuju situacyju», — cytuje Schietynu Gazeta Wyborcza.
Śpikier padkreśliŭ, što čakaje poŭnaj infarmacyi pa spravie ab pieradačy źviestak biełaruskich apazicyjanieraŭ.
Tym časam, jak paviedamlajuć polskija ŚMI, siońnia hienprakuror Polščy pavinien aznajomicca z vynikami słužbovaha rasśledavańnia akaličnaściaŭ vydačy biełaruskim uładam infarmacyi ab bankaŭskim rachunku pravaabaroncy Alesia Bialackaha —
Pradstaŭniki biełaruskaj dyjaspary ŭ Polščy majuć namier zapatrabavać ad hienprakurora zaklikać da adkazu vinavatych polskich čynoŭnikaŭ, a taksama damahacca spynieńnia dziejańnia dvuchbakovaha dahavora ab pravavoj dapamozie ź Biełaruśsiu.
Staršynia arhanizacyi «Biełaruskaja nacyjanalnaja pamiać» Anatol Michnaviec, u pryvatnaści, nie vyklučyŭ, što ŭ Polščy «jość karupcyjaniery abo tyja, chto pracuje pavodle zamovy biełaruskich śpiecsłužbaŭ». Padstavaj dla takoha mierkavańnia źjaŭlajucca spravy Alesia Bialackaha, a taksama Andreja Žukaŭca i inšych biełarusaŭ — palityčnych biežancaŭ, «jakija na praciahu mnohich hadoŭ nie mohuć atrymać prystanak, a atrymlivajuć tolki prablemy», skazaŭ jon u intervju radyjo «Racyja».
Pavodle słoŭ Michnaŭca, pradstaŭniki biełaruskaj hramadzianskaj supolnaści razam z polskimi demakratyčnymi arhanizacyjami majuć namier zaklikać aficyjnuju Varšavu vypracavać pravavyja miechanizmy supracoŭnictva ź biełaruskimi ŭładami i paśladoŭna ich prytrymlivacca, kab vyklučyć paŭtareńnie situacyj, padobnych toj, u jakoj apynuŭsia Bialacki.
Kamientary