Biełaruś raźvitałasia z Rusłanam Salejem
Bolš za dziesiać tysiač čałaviek praviali ŭ apošni šlach najlepšaha chakieista ŭ historyi Biełarusi.
U minskim parku imia Horkaha pryjšło raźvitańnie z chakieistam Rusłanam Salejem. Pierad uvachodam u kryty ladovy katok vystraiłasia doŭhaja čarha. Pa acenkach karespandentaŭ «NN», u raźvitańni pryniali ŭdzieł bolš za 10 tysiač čałaviek.
Žadajučyja raźvitacca z byłym kapitanam nacyjanalnaj zbornaj Biełarusi pa chakiei, jaki zahinuŭ u avijakatastrofie, stajali z kvietkami, žałobnymi viankami, niekatoryja pryjšli ŭ formie chakiejnych kłubaŭ. Kala ŭvachodu na kryty katok znachodziłasia hanarovaja varta ŭ vajennaj formie.
Raźvitacca z chakieistam pryjšli ŭ poŭnym składzie staličnyja chakiejnyja kamandy
Z roznych haradoŭ śvietu pryjechali raźvitacca z partnioram pa nacyjanalnaj zbornaj Alaksiej Kalužny z omskaha «Avanharda», Viktar Kaściučonak ź jekaciarynburhskaha «Aŭtamabilista», a taksama Andrej Kaścicyn z «Manreala» i Michaił Hraboŭski z «Taronta».
Paśla zakančeńnia raźvitańnia šmattysiačnaja pracesija rušyła pa vulicy Pieršamajskaj.
Pachavańnie adbudziecca ŭ druhoj pałovie dnia na Uschodnich (Maskoŭskich) mohiłkach Minska.
Samalot
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek16
Kamientary