Rasiejskija kampanii zmohuć pačać pastaŭki nafty na biełaruskija naftapierapracoŭčyja zavody tolki paśla aptymizacyi ŭmovaŭ pracy na ŭnutranym rynku krainy. Pakul ža pierapracoŭvać naftu ŭ Biełarusi im niavyhadna.
Rasiejskija kampanii, jakija pastaŭlajuć naftu ŭ Biełaruś na davalnickich umovach, zmohuć pačać pastaŭki syraviny na biełaruskija naftapierapracoŭčyja zavody tolki paśla aptymizacyi ŭmovaŭ pracy na ŭnutranym rynku krainy. Pra heta PRAJM‑TASS paviedamiŭ staršynia rasiejskaj naftavaj kampanii, jakaja maje pradstaŭnictva ŭ Biełarusi.
Jon adznačyŭ, što ŭ novych umovach pastaŭki nafty ŭ Biełaruś (z ulikam uviedzienaha z 1 studzienia myta ŭ pamiery 53 dalary za tonu) i ekspartu naftapraduktaŭ ź Biełarusi (z ulikam upłaty ekspartnaha myta na naftapradukty pa staŭcy, analahičnaj pryniataj u RF) rentabelnaść dla kampanii składaje minus 60%. Zrazumieła, što sabie na škodu nichto pracavać nia budzie.
Rentabelnaść pastavak niekatorych vidaŭ paliva na biełaruski rynak siahaje minus 30‑40%, što vyklikana vysokaj dolaj akcyzaŭ dy inšych padatkaŭPavodle słovaŭ surazmoŭcy ahienctva, rasiejskija kampanii ŭ zaležnaści ad sezonu abaviazanyja pastaŭlać na biełaruski rynak kala pałovy naftapraduktaŭ, vyrablenych na biełaruskich NPZ. Rentabelnaść pastavak niekatorych vidaŭ paliva na biełaruski rynak siahaje minus 30‑40%, što vyklikana vysokaj dolaj akcyzaŭ dy inšych padatkaŭ u canie naftapraduktaŭ, a taksama datacyjami pradpryjemstvam ahrapramysłovaha kompleksu, jakija atrymlivajuć paliva pa canie na 20% nižejšaj za inšych spažyŭcoŭ. «Kab pavysić pryvabnaść dla rasiejskich kampanij pastavak nafty ŭ Biełaruś, urad krainy musić admianić ci istotna źnizić akcyzy dy inšyja padatki, źniać datacyi sielhasvytvorcam, prykładna na 30% pavysić košt naftapraduktaŭ na ŭnutranym rynku ci pryniać inšyja kampensacyjnyja miery», — adciemiŭ surazmoŭca.
Pavodle źviestak ahienctva, Minekanomiki ciapier pracuje nad hetymi prapanovami. Abmiarkoŭvajecca mahčymaść źnižeńnia akcyzaŭ, admieny padatku z abarotu ŭ 3% ad sumy ekspartnaha kantraktu, a taksama pratakolnych płaciažoŭ u inavacyjny fond. U 2006 hodzie davalnickaja pierapracoŭka nafty rasiejskimi kampanijami składała ŭ Biełarusi bolš za 50% usiaje pierapracoŭki.
Na davalnickich umovach naftu ŭ Biełaruś pastaŭlajuć bujnyja rasiejskija kampanii «Łukojł», «Słaŭnafta», «Surhutnafta», «Rusnafta», «Rasnafta», a taksama nievialikija kampanii.
Jak raniej paviedamlałasia, u 2006 hodzie ŭkazam prezydenta ŭ Biełarusi rezka pavysilisia pamiery stavak akcyzaŭ na pradukty naftapierapracoŭki. U 2007 hodzie staŭki akcyzaŭ taksama pavialičylisia.
Pavodle «Biełorusskoho Partizana»
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary