A kali pahladzieć na zarobak u biełaruskich rehijonach, možna pryjści da vysnovy, što prybytki šmatlikich suajčyńnikaŭ upali da tadžykskich.
Dachodam biełarusaŭ siońnia nie pazajzdrościš. Pavodle ŭzroŭniu siaredniaj zarpłaty, kali pieraličyć jaje pavodle rynkavaha kursa, Biełaruś apynułasia ŭ chvaście krain SND. Mienš za nas zarablajuć tolki ŭ Tadžykistanie, dzie siaredni zarobak składaje 90 dalaraŭ.
Zrešty, kali pahladzieć na zarobak u biełaruskich rehijonach, možna pryjści da vysnovy, što prybytki šmatlikich suajčyńnikaŭ ŭžo źnizilisia da tadžykskaha ŭzroŭniu.
U pačatku hoda Biełaruś uvachodziła ŭ trojku viadučych krain SND pa ŭzroŭniu dachodaŭ nasielnictva. Ciapier situacyja źmianiłasia z dakładnaściu da naadvarot - my apynulisia ŭnizie rejtynhu i ŭvachodzim u trojku krain SND z samaj nizkaj zarabotnaj płataj. A ŭsio tamu, što prybytki našaha nasielnictva ŭ dalaravym vyličeńni źnizilisia z pačatku hoda ŭ dva z pałovaj razy. Kali ŭ śniežni 2010 h. siaredni zarobak u krainie byŭ ekvivalentny 527 dalaram, to siaredniaha lipieńskaha zarobku chopić na nabyćcio ŭ lepšym vypadku 218 dalaraŭ.
Analizujučy vyšejpryviedzienyja źviestki, varta adznačyć, što zarobak pamieram nie mienš siaredniaha ŭ Biełarusi atrymlivajuć daloka nie ŭsio. Niadaŭniaje daśledavańnie Biełstata pakazała, što ŭ mai
bolš za 28% nasielnictva atrymlivali zarobak ad 1 da 1,5 młn. rubloŭ, a 30,5% rabotnikaŭ (jak praviła, supracoŭniki biudžetnych arhanizacyj) zarablali mienš za miljon rubloŭ.Staŭka pieršaha razradu sioleta pakul nie ŭzdymałasia, takim čynam, možna vykazać zdahadku, što mnohija biełarusy praciahvajuć zarablać mienš za miljon rubloŭ. A heta, z ulikam rynačnaha kursu dalara, ekvivalentna dachodam u samaj biednaj krainie SND - Tadžykistanie.
-
Cyhankoŭ: Babaryka značna bližejšy da pazicyi ofisa Śviatłany Cichanoŭskaj, čym da vykazvańniaŭ «babarykancaŭ»
-
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»
-
«Mnie kazali: ty havoryš jak kanadski emihrant». Siarhiej Šupa raskazaŭ pra Vilniu 90-ch, paraŭnańnie litoŭskaj litaratury ź biełaruskaj i adroźnieńni pamiž narodami
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja88
Kamientary