Apošni raz taryfy na pieravozki ŭ hramadskim transparcie vobłaści pierahladalisia ŭ vieraśni hetaha hoda.
Novy taryf na haradskija pieravozki pasažyraŭ i ručnoj pakłažy ŭsimi vidami transpartu ahulnaha karystańnia na zvyčajnych maršrutach u rehularnych znosinach pavialičyŭsia na Br300 da Br1100 za adnu pajezdku. Hraničny maksimalny taryf na haradskija pieravozki pasažyraŭ aŭtobusami z dazvolenaj maksimalnaj masaj bolš za 5 t na ekspresnych rehularnych maršrutach u rehularnych znosinach ustanoŭleny ŭ pamiery Br1600 za adnu pajezdku. Jurydyčnyja asoby i indyvidualnyja pradprymalniki samastojna ŭstaloŭvajuć taryfy na pieravozki pasažyraŭ haradskimi aŭtobusami z dazvolenaj maksimalnaj masaj da 5 t (maršrutki) na asnovie płanavych zatrat, padatkaŭ i inšych abaviazkovych płaciažoŭ, ustanoŭlenych zakanadaŭstvam, i prybytku z ulikam kanjunktury rynku, raźličanaj zychodziačy z narmatyvu rentabielnaści nie bolš za 15%.
Pry prodažy kvitkoŭ kiroŭcami hramadskaha transpartu na zvyčajnych maršrutach ahulnaha karystańnia ŭ rehularnym paviedamleńni taryf na adnu pajezdku pavialičvajecca na Br50.
Prajazny kvitok na miesiac na aŭtobus ci tralejbus ŭ Hrodnie ciapier kaštuje Br42350, na dva vidy transpartu — Br56500. U Lidzie košt prajaznoha na miesiac pavialičany da Br41000, u astatnich haradach vobłaści — da Br36000.
Pavialičanyja taksama taryfy na pryharadnyja aŭtapieravozki na rehularnych rejsach. Hraničnyja maksimalnyja taryfy na pryharadnyja aŭtapieravozki pasažyraŭ u rehularnych znosinach za 1 km na zvyčajnych maršrutach u aŭtobusach ahulnaha typu ŭstanoŭleny ŭ Br220, ź miakkimi adkidnymi siadzieńniami — Br228. Na chutkasnych maršrutach adpaviedna Br286,1 i Br296,3, na dadatkovych rejsach — Br297,1 i Br307,7, na ekspresnych maršrutach — Br329,9 i Br341,9.
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR4
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary