Piłoty «Biełavija» zarablajuć kala 50 miljonaŭ za miesiac
Pra heta paviedamiŭ hiendyrektar avijakampanii Anatol Husaraŭ.
«Pa biełaruskich mierkach zarobak piłotaŭ vielmi vysoki, — zajaviŭ jon u efiry prahramy «Karcina śvietu» na telekanale RTR-Biełaruś. — My siońnia płacim kala 50 młn i ličym, što hetaha niedastatkova, pracujem nad tym, kab pavyšać zarpłatu da ŭzroŭniu zarobku hadovaha składu ŭ Rasii, u jeŭrapiejskich krainach», — skazaŭ kiraŭnik «Biełavija». Pavodle jaho słovaŭ, vysoki ŭzrovień apłaty pracy lotnaha składu dazvalaje paźbiehnuć sychodu śpiecyjalistaŭ u zamiežnyja avijakampanii.
Pry hetym jon adznačyŭ, što ŭzrovień zarpłaty piłotaŭ nie akazvaje vialikaha ŭpłyvu na canu kvitkoŭ. «Na ich canu ŭ pieršuju čarhu ŭpłyvaje cana avijacyjnaha paliva. My ciaham doŭhaha pieryjadu nie pavyšajem taryfaŭ. Ciapier «Biełavija» pierajmaje dośvied pracy łoŭkost-kampanij, raspracoŭvaje hibrydnyja madeli palotaŭ. Madel łoŭkost-kampanij vielmi pryvabnaja dla pasažyraŭ, i stanoŭčyja momanty ŭ ich pracy my biarem na ŭzbrajeńnie», — skazaŭ Anatol Husaraŭ.
Kamientary