Kab padzivicca na ŭnikalny muzej kamianioŭ, sabrany žycharkaj vioski Vasilevičy, naviednikam Aŭhustoŭskaha kanału prapanujuć zrabić kruk u vosiem kilametraŭ.
Kab padzivicca na ŭnikalny muzej kamianioŭ, sabrany žycharkaj vioski Vasilevičy, naviednikam Aŭhustoŭskaha kanału prapanujuć zrabić kruk u vosiem kilametraŭ.
Kamiani ŭ harodzie, na padłozie j knižnych palicach. U kalekcyi — amal 2000 asobnikaŭ. Čarapachi, nasiakomyja i ludzi — fantazija 50‑hadovaj Haliny Mielnikavaj biaźmiežnaja.
Usio pačałosia 16 hadoŭ tamu, kali spadarynia Halina z mužam pierajechała ŭ viosku. Śpiarša kamiani źbirała prosta dla kalekcyi, a paśla pačała malavać na ich vobrazy ludziej i žyviołaŭ.
Vioska Vasilevičy, dzie žyvie entuzijastka, mieścicca ŭsiaho ŭ 4‑ch kilametrach ad hałoŭnaj admietnaści rehijonu — Aŭhustoŭskaha kanału. Vajennyja doty, pałacavy kompleks kniazioŭ Śviack‑Vałovičaŭ. Da śpisu turystyčnych miaścinaŭ najbližejšym časam dadasca i siadziba Haliny Mielnikavaj.
Rekanstrukcyja Aŭhustoŭska kanału skončyłasia letaś. Ciapier miascovyja ŭłady prapracoŭvajuć prajekty turystyčnaj infrastuktury. Halina Mielnikava pierakananaja, što jejnaje zachapleńnie moža dapamahčy adradžeńniu vioski: «Ja tut nie naradziłasia, ale volaju losu ja trapiła siudy, i kali b mnie na rodzie było napisana syhrać u losie hetaj vioski choć jakujuści maleńkuju rolu, ja była b ščaślivaja».
Pieršyja kroki ŭžo zroblenyja: hatovy pastament i pryviezieny hihancki vałun. Jaho spadarynia Halina znajšła ŭ lesie. Mienavita jon i stanie symbalem vioski.
Ciapier čytajuć
Andrej Švied, architektar represij, pryznačany staršynioj Viarchoŭnaha suda10
Kamientary