Каб падзівіцца на ўнікальны музэй камянёў, сабраны жыхаркай вёскі Васілевічы, наведнікам Аўгустоўскага каналу прапануюць зрабіць крук у восем кілямэтраў.
Каб падзівіцца на ўнікальны музэй камянёў, сабраны жыхаркай вёскі Васілевічы, наведнікам Аўгустоўскага каналу прапануюць зрабіць крук у восем кілямэтраў.
Камяні ў гародзе, на падлозе й кніжных паліцах. У калекцыі — амаль 2000 асобнікаў. Чарапахі, насякомыя і людзі — фантазія 50‑гадовай Галіны Мельнікавай бязьмежная.
Усё пачалося 16 гадоў таму, калі спадарыня Галіна з мужам пераехала ў вёску. Сьпярша камяні зьбірала проста для калекцыі, а пасьля пачала маляваць на іх вобразы людзей і жывёлаў.
Вёска Васілевічы, дзе жыве энтузіястка, месьціцца ўсяго ў 4‑х кілямэтрах ад галоўнай адметнасьці рэгіёну — Аўгустоўскага каналу. Ваенныя доты, палацавы комплекс князёў Сьвяцк‑Валовічаў. Да сьпісу турыстычных мясьцінаў найбліжэйшым часам дадасца і сядзіба Галіны Мельнікавай.
Рэканструкцыя Аўгустоўска каналу скончылася летась. Цяпер мясцовыя ўлады прапрацоўваюць праекты турыстычнай інфрастуктуры. Галіна Мельнікава перакананая, што ейнае захапленьне можа дапамагчы адраджэньню вёскі: «Я тут не нарадзілася, але воляю лёсу я трапіла сюды, і калі б мне на родзе было напісана сыграць у лёсе гэтай вёскі хоць якуюсьці маленькую ролю, я была б шчасьлівая».
Першыя крокі ўжо зробленыя: гатовы пастамэнт і прывезены гіганцкі валун. Яго спадарыня Галіна знайшла ў лесе. Менавіта ён і стане сымбалем вёскі.
Цяпер чытаюць
Бабарыка тры хвіліны адказваў на пытанне, чый Крым. Так і не адказаў150
Каментары