Kali Milinkievič bolš vyrazna sfarmuluje ideju, jon nie pakinie šancaŭ Łukašenku
Śviatłana Kalinkina analizuje adkryty list Alaksandra Milinkieviča.
Pa słovach Kalinkinaj, u Bruseli ŭsio čaściej čutnyja hałasy tych, chto ličyć niemetazhodnym prabačać Łukašenku jaho hrachi tolki tamu, što ŭ biełaruskaha lidera sapsavalisia stasunki z Maskvoj. «Spynić miechanizm pieramovaŭ, jaki pracuje ŭchałastuju, ciapier moža vielmi prosty chod: Łukašenka pavinien atrymać sparynh‑partniora. U roli takoha i vystupiŭ Alaksandr Milinkievič. Kali Alaksandr Uładzimiravič bolš vyrazna sfarmuluje svaju ideju, to jon prosta nie pakinie Łukašenku šancaŭ duryć hałavu jeŭrapiejskim słužboŭcam», – ličyć žurnalistka.
U adroźnieńni ad prapanovy sacyjał‑demakrata Uładzimira Niściuka, jakaja ŭ svoj čas taksama stała siensacyjaj, Milinkievič nie vysoŭvaje pieramovy jak dastatkovuju ŭmovu reabilitacyi režymu. Ale pakul jašče vyrazna nie farmuluje i asnoŭnaje patrabavańnie – unutrany dyjałoh i palityčnyja reformy pavinny papiaredničać źniešniamu, adznačaje Kalinkina.
«Čysta tearetyčna možna ŭjavić, na jakich umovach Łukašenka moh by imitavać pieramovy ź Jeŭropaj. Ale ŭ scenary jeŭrapiejskaj hulni aficyjnaha Mienska samaje słabaje źviano – apazicyja. Dziaržaŭnaja prapahanda zavichajecca, kab ni ŭ kaho ŭ Biełarusi nie ŭźnikła navat dumki pra toje, što Łukašenka robić revieransy Jeŭropie pad ciskam svaich palityčnych supiernikaŭ», – ličyć Śviatłana Kalinkina.
«Mienavita tamu pra toje, što kiraŭnik PARIE Rene Van der Linden sustrakaŭsia nie tolki z aficyjnymi asobami, ale i ź liderami apazicyjnych partyj – ni słova. Pra toje, što ahienctva «Rejter» uziało intervju nie tolki ŭ Alaksandra Łukašenki, ale i ŭ Alaksandra Milinkieviča – ni paŭsłova. Infarmacyja vybudoŭvajecca tak, byccam nie Miensk kinuŭsia šukać spahady na Zachadzie, a, naadvarot, jeŭrapiejskija krainy raptam uśviadomili značnaść Łukašenki. U hetym sensie horšaj «dapamohi», čym ruka, praciahnutaja Alaksandram Milinkievičam, biełaruski lider i prydumać nie moh. Tamu voś užo niekalki dzion dziaržaŭnaja prapahanda navat nie viedaje, jak adreahavać. Maŭčyć», – adznačaje žurnalistka.
Poŭny tekst artykułu Śviatłany Kalinkinaj.
Ciapier čytajuć
Andrej Švied, architektar represij, pryznačany staršynioj Viarchoŭnaha suda2
Kamientary