Juraś Navicki trymaje suchuju haładoŭku, u piatnicu — sud
Pahoršyŭsia stan aryštavanaha na 15 sutak błohiera i fatohrafa, siabry Ruchu “Za Svabodu” Jurasia Navickaha (Špak – Ryžova). Raniej jon abviaściŭ u Centry izalacyi pravaparušalnikaŭ suchuju haładoŭku.
Navicki byŭ zatrymany za ŭdzieł u akcyi ŭ hadavinu prezidenckich vybaraŭ 19-ha śniežnia ŭ Minsku. Ale asudzili jaho za chulihanstva. Pa słovach presavaha sakratara Ruchu “Za Svabodu” Arcioma Lavy, pratestujučy suprać niezakonnaha rašeńnia suda, aktyvist pačaŭ haładoŭku, a niekalki dzion nazad admoviŭsia i ad ŭžyvańnia vady.
- Jon nie zhodny z prysudam. Sfabrykavali spravu, što jon łajaŭsia matam u adździaleńni milicyi. Akazvajecca, try dni, jak jon abviaściŭ suchuju haładoŭku. Jamu stała kiepska, vyklikali “chutkuju”, vazili ŭ balnicu. Zaraz jon iznoŭ u izalatary. Zaŭtra budzie sud, razhlad skarhi. Cikava, što sudździa prysudzić, moža źlitujecca dy adpuścić, bo jamu siadzieć ažno da druhoha.
Juraś Navicki nabyŭ viadomaść tym, što padčas akcyj pratestu fatahrafavaŭ pieraapranutych supracoŭnikaŭ milicyi i śpiecsłužb,jakija sočać, zatrymlivajuć, zdymajuć na videa ŭdzielnikaŭ pratestaŭ. Potym hetyja zdymki jon vystaŭlaŭ u internecie. Mienavita za zdymki milicyi jon byŭ aryštavany pieršy raz, napačatku listapada, padčas šeścia i mitynhu ŭ Łošyckim Jary. Tady jaho asudzili na 12 sutak pa artykule administracyjnaha kodeksu “chulihanstva”.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Ciapier čytajuć
Raźviedka ZŠA: Biełaruś stała pieradavym vajskovym płacdarmam Rasii20
Kamientary