«U Respublicy Biełaruś z škadavańniem uspryniali ŭviadzieńnie Jeŭrapiejskim sajuzam maštabnych ekanamičnych sankcyj suprać Isłamskaj Respubliki Iran», — havorycca ŭ raspaŭsiudžanym 24 studzienia kamientary biełaruskaha MZS.
Zamiežnapalityčnaje viedamstva zajaŭlaje, što «niaźmienna ličyć lubyja adnabakovyja sankcyi kontrapradukcyjnymi» i padkreślivaje «značnaść mižnarodnych dypłamatyčnych vysiłkaŭ, u pieršuju čarhu ŭ ramkach Arhanizacyi Abjadnanych Nacyj».
«Mietady ekanamičnaha cisku i prymusu źjaŭlajucca absalutna nieprymalnymi ŭ mižnarodnaj praktycy i mohuć pryvieści tolki da nahniatańnia napružanaści ŭ adnosinach pamiž suvierennymi dziaržavami i na mižnarodnaj arenie ŭ cełym», — havorycca ŭ kamientary.
Uviadzieńnie adnabakovych sankcyj suprać Irana, ličać u MZS «, moža tolki spryjać eskałacyi situacyi ŭ stratehična važnym rehijonie Blizkaha Uschodu, što moža mieć niepradkazalnyja nastupstvy dla ŭsiaho śvietu».
«Ekanamičnyja sankcyi suprać Isłamskaj Respubliki Iran nie majuć ničoha ahulnaha z režymam jadziernaha nieraspaŭsiudžvańnia, a naniasuć tolki škodu ekanomicy krainy i prostym ludziam», — havorycca ŭ kamientary.
Kiraŭniki MZS 27 krain Jeŭrasajuza 13 studzienia na sustrečy ŭ Bruseli ŭchvalili ŭviadzieńnie embarha na pastaŭki nafty ź Irana. U ramkach novaha pakieta sankcyj, jaki praduhledžvaje ŭ tym liku ŭviadzieńnie paetapnaj zabarony na impart iranskaj nafty i naftapraduktaŭ u krainy ES, miarkujecca, što da 1 lipienia ŭsie členy Jeŭrasajuza, jakija zakuplajuć naftu ŭ Tehierana, pavinny buduć poŭnaściu zharnuć impart z hetaj krainy. Taksama ekanamičnyja sankcyi ŭvodziacca ŭ dačynieńni da centralnaha banka Irana i vaśmi dziaržkarparacyj krainy.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary