«Jak ni kruci, heta ispyt dla ŭłady»

U biełaruskim parłamiencie novaha sklikańnia pavinna być zachavana pierajemnaść. Pra heta Alaksandr Łukašenka zajaviŭ siońnia na sustrečy sa staršynioj pałaty pradstaŭnikoŭ nacyjanalnaha schodu Uładzimiram Andrejčankam.

Jak adznačyŭ Łukašenka, u Biełarusi skłałasia praktyka, kali ŭ novy skład parłamienta vybirajucca 20–25% deputataŭ papiaredniaha sklikańnia. «Nam treba mieć u novym parłamiencie prykładna čverć deputataŭ staroha, kab zachavać pierajemnaść.

Ale heta sapraŭdy pavinny być deputaty biez sučka i zadorynki ŭ svajoj pracy z nasielnictvam, u vybarčych akruhach. Ludzi ž da ich bolš prydzirliva buduć stavicca.

«Pa-druhoje, jak by my tut nie demakratyzavalisia, jak by my ni zajaŭlali pra toje, što my daloka staim ad hetaha pracesu vybaraŭ,

ja dumaju, vam asabista jak staršyni daviadziecca ŭsio ž taki prymać udzieł u arhanizacyi hetaj kampanii.

Usio-taki deputaty — heta pradstaŭniki našych vybarščykaŭ, i naŭrad ci chto-niebudź pretenzii pradjavić, kali jany dapamohuć pa-čałaviečy, demakratyčna arhanizavać praces vybaraŭ. Tamu tut taksama treba vyznačycca».

«I, pa-treciaje, raz skančajecca praca ciapierašniaha parłamienta, treba razam z uradam, pierš za ŭsio staršyniam kamisij, savieta, vam vyznačyć tyja pieršačarhovyja pytańni, jakija nieabchodna vyrašyć, kab pryhoža i hodna zaviaršyć hetaje sklikańnie. Heta taksama vielmi važna. I šerah inšych pytańniaŭ, jakija mohuć stać pierad parłamientam u hetyja apošnija miesiacy pracy», — skazaŭ Łukašenka.

Alaksandr Łukašenka taksama rekamiendavaŭ deputatam, kab jany aktyŭna papracavali z nasielnictvam.

«Treba z administracyjaj, uradam prapracavać balučyja aktualnyja pytańni, ź jakimi deputaty pojduć da ludziej, kab jany punkt hledžańnia prezidenta zmahli danieści, pahavaryć ź ludźmi. My pavinny atrymać zvarotnuju suviaź pa kompleksie pytańniaŭ, jakija my vyrašym i pavinny vyrašać napiaredadni parłamienckich vybaraŭ. Jak ni kruci, heta ispyt dla ŭłady. Treba zahadzia vyrašyć hetyja pytańni, kab nas narod mienš cierabiŭ potym na parłamienckich vybarach i kab potym našy «śviadomyja» z «piataj kałony» ŭnutry i asabliva na Zachadzie nie vykazvali nam pretenzii pa składzie budučaha parłamienta «, — ličyć Alaksandr Łukašenka.

«Ja ŭpeŭnieny, što parłamient budzie vyklučna ad naroda. Tudy bałbatuny nie patrapiać, a pryjduć ludzi, jakija hatovyja vyrašać niejkija pytańni. Vas z deputatami treba vyłučyć hetyja pytańni. Chaj ich budzie 50, 70, sotnia, ale heta budzie dla nas prahrama pracy da parłamienckich vybaraŭ. A niejkija pytańni zastanucca na potym «, — dadaŭ Łukašenka.

• 0
• 0
• 0
• 0
• 0
• 0
• 0
• 0