Ministr zamiežnych spraŭ Polščy Radasłaŭ Sikorski zajaviŭ, što ES nie sastupić pad ciskam Minska i praciahnie palityku ŭmovaŭ adnosna Biełarusi.
«My praciahniem palityku ŭmoŭ z boku Jeŭrasajuza ŭ dačynieńni da Biełarusi: my prapanujem bolš za bolš, ale mienš tady, kali jość represii». Pra heta zajaviŭ kiraŭnik polskaha Ministerstva zamiežnych spraŭ Radasłaŭ Sikorski paśla sustrečy kiraŭnikoŭ źniešniepalityčnych viedamstvaŭ krainaŭ Viejmarskaha trochkutnika (Francyja, Niamieččyna, Polšča) ŭ Bierlinie.
«Uzmacniajučy sankcyi, my nahadvajem, što ES hatovy da dyjałohu i dapamohi Biełarusi, kali Minsk spynić represii suprać ułasnych hramadzianaŭ», — dadaŭ polski ministr.
Jon padziakavaŭ taksama kiraŭnikam MZS Francyi i Niamieččyny za toje, što jany adklikali na kansultacyi svaich pasłoŭ ź Biełarusi. «Heta śviedčyć ab tym, što jeŭrapiejskaja salidarnaść, asabliva ŭ situacyi adnosin ź niedemakratyčnym režymam, značyć mnohaje», — acaniŭ Radasłaŭ Sikorski.
U dakumientach pa «spravie Epštejna» znajšli ślady bujnych hrašovych pieravodaŭ u Minsk. Znoŭ uspłyło imia Karyny Šulak44
Kamientary