Narodnaja artystka Biełarusi i pa siońnia ličycca najlepšaj dyktarkaj krainy.
Jašče ŭ minskaj škole vykładčyca skazała Zinie, što taja dobra i vyrazna čytaje — i paraiła iści ŭ dramatyčny hurtok. Paśla škoły była teatralnaja studyja, zatym praca na Homielskaj telestudyi — patrapiła ŭ 20 hadoŭ pa konkursie.
Z 1962 hoda pracavała na Biełaruskim telebačańni, z 1976 hoda była kiraŭnikom hrupy dyktaraŭ. Jak lubić adznačać były kiraŭnik Biełdziaržteleradyjo (1978–1990) Hienadź Buraŭkin: «Ja asabista vyznačaŭ, chto budzie pracavać u kadry. Prykład — Zinaida Bandarenka! A pahladzicie, chto ciapier?..».
Zinaida Alaksandraŭna nadzvyčaj dobry i čullivy čałaviek. Naprykład, jaje asabistymi namahańniami i damoŭlenaściami ŭ minułym hodzie siastry Vasila Bykava Valancinie Uładzimiraŭnie lekary viarnuli zrok u Minsku. Siońnia Zinaida Bandarenka praciahvaje prafiesijnuju dziejnaść — rychtuje maładuju źmienu na telekanale «Biełsat».
Kamientary