Heta ŭkrainiec Uładzimir Katruk, što zajmaŭsia ŭ Kvebeku raźviadzieńniem pčoł.
Uładam Kanady ŭdałosia znajści adnaho samych šukanych nacysckich złačyncaŭ, što chavalisia ad pravasudździa, piša ŭ piatnicu "Taronta star".
91-hadovy pčalar Uładzimir Katruk (Vladimir Katriuk) zajmaje čaćviortaje miesca ŭ śpisie Centra Simona Vizientala -- arhanizacyi, jakaja zajmajecca pošukam nacysckich złačyncaŭ pa ŭsim śviecie.
Pa dadzienych niadaŭna znojdzienych archiŭnych dakumientaŭ, Katruk byŭ datyčny da zabojstva žycharoŭ vioski Chatyń u sakaviku 1943 h. Sałdaty sahnali žycharoŭ u chleŭ i padpalili jaho. U dakumiencie havorycca,
što «zadača Katruka była ŭ tym, kab rasstrelvać tych, chto sprabavaŭ vybiehčy z chlava i vyratavacca ad ahniu».
Uradženiec Ukrainy Uładzimir Katruk emihravaŭ u Kanadu ŭ 1951 hodzie. Jaho ŭžo sprabavali pazbavić kanadskaha hramadzianstva ŭ suviazi z padazreńniami ŭ jaho suviaziach z nacystami, rašeńnie było pierahledžana z-za niedachopu dokazaŭ. Prymajučy pad uvahu novyja abstaviny spravy, urad moža vynieści pastanovu ab jaho departacyi z Kanady.
Sam Katruk admaŭlaje datyčnaść da jakich-niebudź złačynstvaŭ, ale ŭ toj ža čas admaŭlajecca kazać pra svajo minułaje.
Katruk žyŭ u Omstaŭnie (Omnstown) u pravincyi Kvebek, dzie mieŭ fiermu, na jakoj hadavaŭ pčołaŭ.
Ciapier čytajuć
U Poznani hiniekołah vydaliŭ 24‑hadovaj biełaruscy matku i jaječniki bieź jaje zhody. Jamu pahražaje da 20 hadoŭ turmy21
Kamientary