Zvarot Łukašenki da parłamienta i naroda: «U domie kožnaha biełarusa pavinien być słucki pojas»… «Davajcie žyć družna»… dy inšaje.
14:42
Śpikier vierchniaj pałaty parłamienta Anatol Rubinaŭ padziakavaŭ Łukašenku za adkazy. «Nam vas škada», — skazaŭ jon, kali kiraŭniku krainy chacieli zadavać jašče pytańni. Takija słovy Rubinava sustreli apładysmientami.
14:40
«Niama ŭ Rasii i Pucina resursaŭ, kab zadušyć Biełaruś. I nikoli na heta nie pojdzie».
«Francuzam ja dumaju Sarkazi nadakučyŭ. Ale roźnica nievialikaja. Ałand abiacaŭ tyja rečy, jakija ŭ nas realizoŭvajucca na praktycy», — kaža Łukašenka.
Kaža, što Kadafi asabista raskazvaŭ Łukašenku, što davaŭ hrošy Sarkazi na vybarčuju kampaniju. «Jon braŭ nie 50, a 100 miljonaŭ».
14:31
«Sport nie moža być
«Ale kali palityki z brudnymi rukami ŭlazajuć u palityku i rasstaŭlajuć svaje akcenty… Chakiej, začapiŭ ty mianie za chvoraje. Z takoj hulnioj chaj by i nie było čempijanata».
«Buduje „
14:25
Deputat Zazula z Kobryna pytajecca pra achovu dziaržaŭnaj miažy ź Jeŭrasajuzam.
Łukašenka źviartajecca da staršyni pamiežnaha kamiteta Račkoŭskaha: «Jedź u Brusel i prasi hrošy na abaronu miažy». «Chaj pieramiaščajucca ŭsie, chto zachoča», — skazaŭ Łukašenka pra pierasiačeńni miažy.
14:11
Deputat Samasiejka pytajecca ab prablemie śmiarotnaha pakarańnia, ci jość mahčymaść uviadzieńnia maratoryja na śmiarotnaje pakarańnie.
«Ja nikoli sam nie pajdu na ŭviadzieńnie maratoryja. Ja viedaju nastroi ludziej. Televizar možna vyklučyć. Dva niahodniki ŭvarvalisia ŭ kvateru, zhvałtavali dačku, zabili jaje, zakinuli ŭ vannuju. Što ź imi zrabić? Ja imhnienna adchilaju prašeńnie ab pamiłavańni. Vy viedajecie, čaho mnie kaštavali dva apošnich śmiarotnych prysudy, kali ŭvieś śviet na ciabie ciśnie. Ja — prezident, ja pavinien zrabić jak choča hramadstva. Kali ty had i niahodnik i idzieš na złačynstva, budź hatovy za jaho adkazać. Chacia, moža być, hramadstva padyšło da maratoryja».
14:02
Łukašenka šmat havaryŭ pra kitajcaŭ. Supakojvaŭ, što nijakaj kitajskaj kałanizacyi nie budzie. «Jany ŭsio vielmi dobra robiać, a pad kantrolem dyk idealna». «Kitajcy nam nie naviazvalisia, ni pa hatelu ni pa technaparku, ni pa kvartału. Heta ja ich paprasiŭ».
Kiraŭnik krainy pryznaŭsia, što jahony zarobak składaje kala 2000 dalaraŭ.
13:49
Deputat z Adzincoŭskaj akruhi Minska pytajecca pra adtok budaŭnikoŭ ź Biełarusi.
«Ludzi źjazdžajuć, ale heta nie katastrofa».
U deputatki Palanskaj Łukašenka papytaŭsia: «Kolki ŭ vas dziaciej? Adzin? A čamu nie dvoje? Idzicie i rašajcie ź Miaśnikovičam hetaje pytańnie».
Vialikaja častka pramovy była pra drevy ŭ dvarach, a taksama ŭščylnieńnie ŭ dvarach.
13:32
Vadzim Papoŭ z savieta respubliki pytajecca pra prychod bujnoha rasijskaha kapitała ŭ Biełaruś, a taksama pra ekanamičnyja sankcyi ŭ dačynieńni Biełarusi. Kaža, što narod baicca prychodu ahresiŭnaha rasijskaha kapitału.
«Rasijanie nie pryjduć i nie zabiaruć našych pradpryjemstvaŭ, — supakojvaje Łukašenka. — Ja inicyjavaŭ stvareńnie adzinaj ekanamičnaj prastory, ale treba, kab hetaje abjadnańnie adpaviadała supolnym kryteram. Ciapier niama miasnych, małočnych vojnaŭ. Pakul niama navat drobnych faktaŭ, što jość niejkaja ekspansija». Doŭha raskazvaje pra vyhady ad prodažu «Biełtranshaza».
13:17
Deputat Łarysa Jeršałovič z Łuninieckaj akruhi kaža, što ceny ŭsio ž praciahvajuć raści. «Kali spynicca rost cen?»
«Možna spynić choć zaŭtra, choć siońnia. Inflacyja ŭ asnoŭnym idzie ad urada. U nas byŭ strašny razryŭ u cenach pamiž Rasijaj, Ukrainaj. Pa niejkich punktach roźnica ŭ 8 razoŭ. Idzie masavy vyvaz tavaraŭ z krainy. U nas bienzin centaŭ 70–80 kaštuje, u ES da 1,5 hatovyja padymać canu».
«Dzicionak u škole nie pavinien adroźnivacca ad prezidenckaha syna, vaša, usie pavinny być roŭnyja», — kaža Łukašenka, kamientujučy niemahčymaść niekatorych baćkoŭ adzieć dobra dziaciej da škoły.
13:13
Deputatka Halina Jurhilevič z Šabanoŭskaj akruhi stavić pytańnie pra 500 dalaraŭ zarobku.
«Mahu vas tolki padtrymać. Ale dla ŭsich biełarusaŭ 500 dalaraŭ naŭrad ci my sioleta spravimsia, adnak 500 dalaraŭ siaredniaha zarobku možam daciahnuć».
«Kali dadzim biełarusu 500 dalaraŭ, to nie budziem žyć horš, čym tam», — kaža Łukašenka, kivajučy na Polšču.
13:04
Zvarot doŭžyŭsia ŭsiaho dźvie hadziny. Ciapier kiraŭnik krainy hatovy adkazać na pytańni deputataŭ.
12:59
Zakranuŭ pytańnie prodažu kantraceptyvaŭ pa receptach. U zali pajšoŭ aściarožny śmiech. «Pryvyk naš čałaviek validoł, valarjanku i inšuju zarazu kuplać biez receptaŭ, nie treba adbirać u jaho hetaje prava».
«Imidž biełarusa — čałaviek z knihaj. Hałoŭnaja zadača — adradzić luboŭ da litaratury. Nie važna na jakim nośbicie budzie čytać, hałoŭnaje — kab hetaje słova dachodziła da maładoha čałavieka».
13:10
Pieršaje pytańnie — pra zarobak 500 dalaraŭ, ad deputatki Jurhilevič.
13:09
Skončyŭ pasłańnie, a
12:54«Dobryja pierśpiektyvy moža mieć supracoŭnictva ź Izrailem».
«Usio što robim, robim nie dla ličbaŭ i pakaźnikaŭ. Usie hetyja hajki i bałty majuć sens, kali ŭsio nakiravana na čałavieka». Śćviardžaje, što pa ŭzroŭni adukacyi Biełaruś zajmaje
«Nijakich reform u siaredniaj škole nie budzie», — kaža Łukašenka. Razmova pra nadta vialikuju kolkaść vypusknikoŭ humanitaryjaŭ i niedachop «technaroŭ».
12:49
«Ja chaču skazać jeŭrapiejcam i amierykancam — nas niemahčyma złamać. Nas tolki mahčyma pachavać. Kali nas nie budzie, tady vy zmožacie tut rabić, što chočacie. Davajcie žyć družna. Dyjałoh — inšaha nie dadziena», — kaža Łukašenka.
«Niama nijakich arelaŭ, jość stratehičnyja intaresy. Nie pavinna być nijakich piarečańniaŭ pamiž dvuma sajuzami. My za intehracyju ad Lisabona da Uładzivastoka, pra što kažuć u Rasii». Pra miesca ŭ hieapalitycy. Vystupiŭ za intehracyju intehracyj — h.zn. intehracyju Jeŭrapiejskaha sajuza i Jeŭrazijskaha sajuza.
12:38
Pytańnie adnosinaŭ ź Jeŭrasajuzam Łukašenka padniaŭ raniej, čym z Rasijaj. Napeŭna, bolš pryjarytetnaje hetaje pytańnie.
Łukašenka adznačaje, što ŭ Biełarusi vielmi imkliva raźvivajecca internet. I nijakaha cisku ŭ hetaj śfiery niama.
Pra sudovuju sistemu: «Nijakich raspravaŭ, źviadzieńnia asabistych rachunkaŭ być nie pavinna. Treba ruchacca da sudoŭ prysiažnych». Kaža, što stvareńnie Śledčaha kamiteta pravilny krok. «U bližejšy hod my całkam refarmujem MUS, nikoha nie kryŭdziačy».
«Nie zaŭsiody pazbaŭleńnie voli — adekvatnaje pakarańnie». Kaža, što znachodžańnie za kratami nie abaviazkova, možna adpuskać pad padpisku ab niavyjeździe.
Budzie amnistyja da 3 lipienia. «Hodnyja ludzi ŭ turmach, a niahodnikaŭ my adpuskajem pad ciskam».
12:29
Łukašenka robić revieransy na adras praciŭnikaŭ ułady: «My pavinny čuć mienšaść, jana jość u Biełarusi». «Niapraŭda, što prezident taki ćviordałoby i nie čuje. Ja čuju kožny pisk u kožnym kutku našaj krainy, heta prachodzić praz majo serca. My čujem, analizujem, ale zychodzim z patrabavańniaŭ pieravažnaj bolšaści našaha hramadstva. Tak budzie i nadalej». «My hatovy słuchać ES, ZŠA, Rasiju, ale žyć budziem svaim rozumam», — dadaŭ jon.
«Budzie ŭzmacniacca rola partyj. Mahčyma, my saśpiejem da źmienaŭ vybarčaj sistemy, za vybary pa źmiešanaj sistemie. Ale partyi pavinny być!»
Alaksandr Łukašenka daŭ zrazumieć, što ličyć zaŭčasnym stvareńnie ŭ Biełarusi sapraŭdy demakratyčnaha hramadstva, zasnavanaha na hramadzianskich svabodach. «Naŭrad ci tyja, chto hučniej za ŭsich vystupaje za svabodu, hatovyja da hetaj svabody», — fiłasafavaŭ jon. Jon pracytavaŭ słovy Dastajeŭskaha: «Niama dla čałavieka ničoha bolš nievynosnaha za svabodu». «Hienijalny piśmieńnik mieŭ racyju — atrymlivajučy svabodu, čałaviek razumieje, što ŭzvaliŭ na siabie ciažkuju nošu: svaboda praduhledžvaje adkaznaść, čałaviek sam prymaje rašeńni i sam za ich adkazvaje», — zaścierahaŭ prezident.
Łukašenka zaŭvažyŭ, što «našy partniory na Zachadzie pavinny zrazumieć, što hramadzianskaja supolnaść i demakratyja nie naradžajucca rosčyrkam piara na ŭkazie prezidenta. Heta nie adbyvajecca za dzień, dla hetaha patrabujucca hady».
12:22
«My hatovyja da dyjałohu», — kaža Łukašenka da Jeŭrasajuza.
Šmat kamplimientaŭ u adras parłamientaroŭ. «Važna zachavać pierajemnaść», — kaža jon pra nastupnyja parłamienckija vybary. «Ni kroka ŭprava ci ŭleva nie budzie, kažu ja pasłam i toj hramadzianam krainy, što patrabujuć ad mianie adkaza, jak budzie prachodzić kampanija. Ničoha mianiać my nie budziem. Čas upuščany. Z Rubinavym dva hady nazad u vuzkim kole zanialisia refarmavańniem vybarčaha zakanadaŭstva. Abmiarkoŭvali partyjnyja śpisy. Kali nas pačali dušyć, to navat ludzi, jakija mnie heta prapanoŭvali, skazali: „Nie čas“. Ja nie prychilnik praparcyjnaj sistemy, a tolki mažarytarnaj. Deputat nie pavinien adryvacca ad svaich vybarcaŭ. Partyi pavinny być, nazavicie mnie choć adnu isnujučuju partyju. Tam ža miortvych dušaŭ bolš za pałovu. Kaho vy pradstaŭlajecie? Im padkidvajuć praź Litvu i Polščy čamadany hrošaj, im ułada nie patrebna, heta ich biznes. Vy chočacie ad ich niekaha pasadzić? Ja — nie».
12:17
«Nas krytykujuć, što ŭ nas niedemakratyčna. Nu, zdaryŭsia ŭ nas kanflikt z pasłami. My hladzieli, što vakoł adbyvajecca, ź ludźmi havaryli. Kali mnie prynieśli analityčnuju zapisku, ja byŭ pryjemna ździŭleny, nivodny dypłamat hetaha nie chacieŭ. Jany nas publična krytykujuć, ale na spravie lubiać našu krainu i kažuć, što demakratyi nie mieniej, čym u ich», — śćviardžaje jon.
Znoŭ paŭtaraje tezu pra toje, što apazicyja ŭ Viarchoŭnym Saviecie nie zachacieła prysłuchvacca da prapanovaŭ Łukašenki brać prykład z Kitaja. «Biełaruski narod nie pryniaŭ šokavaj libieralizacyi».
12:10
«Budavać treba tam, dzie ty nie zaminaješ ludziam», — kaža Łukašenka, tłumačačy rašeńnie zabaranić budaŭnictva na vodaschoviščach. «Biazdumnaha zasialeńnia vakoł Minska i abłasnych centraŭ nie budzie», — u pytańniach ziamielnych nadziełaŭ Łukašenka adyšoŭ ad papierak. Šmat raskazvaje historyj z žyćcia.
«Treba stvaryć cyvilizavany rynak arendavanaha žylla». Paručaje ŭradu raspracavać prahramu ŭ hetym pytańni. Da prysutnych źviartajecca «pavažanyja tavaryšy».
«Ciapier pra demakratyju i svabodu… Pasły zavarušylisia».
12:05
«Ja sapraŭdy kažu pra jaŭrejaŭ u dobrym sensie», — kaža Łukašenka pra inviestaraŭ ź Izraila, jakich pryvioŭ Ładućka. «Ja skazaŭ: aryštoŭvajecie Ładućku — dyk budujuć».
Kaža pra budaŭnictva za «Akvabiełam», dzie nie było paradku. «Kraina pavinna być vyčaščana, vydrana i źziać. Nijakich łatyfundyj, jak było za „Akvabiełam“ nie budzie».
12:02
«Kožny čałaviek moža palepšyć svaje žyllovyja ŭmovy. Chočacie biaspłatnuju kvateru — troje, čaćviora, piaciera radžajcie i prychodźcie». Lhotnyja kredyty na budaŭnictva žylla buduć značna abmiežavannyja.
Kaža, što Barys Batura raskładvaje pierad im karty, jakuju ziamlu chočuć inviestary. «Našy dziady advajoŭvali ŭ pryrody hetyja ziemli». «Robiać fiermy za 10 kiłamietraŭ ad vioski, a potym razumiejuć, što tut treba darohi pravieści, elektryčnaść. I fierma ŭ dva razy daražej kaštuje». «Hubiernatary nie spravilisia z pytańniami razdačy ziamli, tamu daviałosia prezidentu ŭ ich hetuju funkcyju zabrać».
«U nas stolki niavykarastanych ziemlaŭ, što chopić i jeŭrapiejskich, i amierykanskim inviestaram».
11:53
«Kali b vy pabačyli Biełaruś z pavietra, to ŭbačyli b novuju Biełaruś. U Hrodzienskaj, Bresckaj vobłaści možna padumać, što heta Zachodniaja Jeŭropa, ź jaje pryvatnaj ułasnaściu». Znoŭ kaža pra vyhady mielijaracyi.
«Hoład
11:47
«Staŭku treba stavić na moładź. Našym kamsamołam BRSM dadzienaja cudoŭnaja prahrama «Sto idej dla Biełarusi».
Prysutnyja ŭ zali staranna kanśpiektujuć vystup kiraŭnika krainy. Pakul Łukašenka čytaje z papierki, amal nie źbivajecca.
«Haspodź nam pakul dapamahaje», — kaža kiraŭnik krainy pra sielskuju haspadarku. Apraŭdvaje budaŭnictva ahraharadkoŭ, ale takoje jon kaža štohod.
11:44
Łukašenka adznačaje stabilizacyju biełaruskaha rubla. «Niačesnaja hulnia z kursam moža paŭtarycca. Rezkich vahańniaŭ kursa bolš dapuścić nielha», — adznačaje kiraŭnik krainy.
«Ekspart prynosić valutu ŭ krainu», — kaža prapisnuju iścinu. «Na ekspart treba adpraŭlać nie mienš za 65% pradukcyi, što vyrablajem». Nazyvaje, što treba vyjści na rynki Aŭstralii, Novaj Ziełandyi, Vjetnama, Indyi.
Raźvićcio navuki Łukašenka nazyvaje taksama adnym z hałoŭnych momantaŭ. Kaža, što nie karpusy i zavody hałoŭnaje, a navukovyja raspracoŭki. «Biez navuki i vysokich technałohij nam nie atrymajecca zrabić vialiki ekanamičny padjom. Dajcie vučonym poŭnuju svabodu zarablać».
11:36
«Zarobak pavinien być zaroblenym. Adnak niekatoryja kiraŭniki ličać, što možna ničoha nie rabić i ŭsia adkaznaść ź ich budzie źniataja».
Łukašenka ŭzhadvaje pra abiacańni Usiebiełaruskaha schodu, dzie abiacali zarobak u 500. Ciapier kaža, my pavinny pryblizicca da hetaj sumy. «Kolki zarobiŭ — stolki i atrymaŭ». Kaža, što zarobki čynoŭnikaŭ nie takija i vialikija.
11:33
«Cenavaha biasčynstva nie budzie», — kaža Łukašenka pra svabodnaje cenaŭtvareńnie. «My nie pavinny dapuścić pavieličeńnia cenaŭ sioleta bolš na 20%. Nidzie ŭ śviecie nie admaŭlajucca ad cenaŭtvareńnia», — Łukašenka časam źbivajecca ŭ kryk.
Kiraŭnik krainy aburajecca cenami ŭ kaviarniach Minska. «Heta Ładućki datyčyć».
«Razam ź vialikimi supiermarkietami pavinny raźvivacca i małyja kramy», — kaža Łukašenka.
«Pravalna pracuje sistema roźničnaj kaapieracyi. Tak bolej praciahvacca nie moža», — robić zaŭvahu Miaśnikoviču, jaki nie ŭnosić u hetaje pytańnie kankretnych prapanovaŭ.
11:27
Spyniajecca na pryvatyzacyi. Papulisckija słovy chvalavańnia za ludziej, što pracujuć na tych pradpryjemstvach. Tym nie mienš adznačaje, što pytańnie tolki ŭ canie. «32, moža, 31,5 miljardy dalaraŭ za stolki myc hatovy pradać «Biełaruśkalij», — kaža Łukašenka. Ale kupcoŭ na takuju sumu pakul niama. Havoryć «namienklaturnaja pryvatyzacyja», abiacaje, što jaje nikoli ŭ Biełarusi nie budzie.
Raskazvaje vypadak pra pradpryjemstva «Kieramin», dzie kiraŭnictva z svajakami chacieła prykupić akcyi. «Takoje budzie prysiakacca ŭmomant. Možacie mianie za heta bić, što chočacie zrabić».
«Pryvatyzacyja budzie česnaj, biez łabiravańnia, pa vyznačanaj canie», — Łukašenka zavioŭsia, abmiarkoŭvajučy hetuju temu.
11:18
«Paručaju kožnamu členu ŭradu, staršyni abłvykankaŭ uziać pad adkaznaść niekalki prajektaŭ, jakija zdolnyja atrymlivać inviestycyi. Hetaja praktyka pavinna pierajści na vašych padnačalenych».
Pra inviestycyi: «Havorym my pra heta mnoha, a tołku — mała». Łukašenka kaža, što zamiežnyja inviestary hatovyja iści ŭ Biełaruś, ale tut jany sutykajucca ź biurakratyzmam i abyjakavaściu. «Jašče ciažej, kali inviestavać chočuć našy biznesmieny, jany ŭvohule nikudy prabicca nie mohuć».
«Umovy inviestycyj u Biełarusi pavinny być adnymi z najlepšych u śviecie». Pakul na palityčnych momantach Łukašenka nie spyniajecca.
11:11
«Novamu pakaleńniu — adnoŭlenuju ekanomiku», — Łukašenka kaža, što heta hałoŭny łozunh budučyni. Adznačaje stanoŭčyja tendencyi ŭ biełaruskaj ekanomiki, atrymałasia vybudavać pravilnuju antykryzisnuju palityku.
«Prykład krainy ES, jakija hadami nie źviartali ŭvahi na prablemy, dla nas papiaredžańnie. Treba žyć pa srodkach», — paŭtaryŭ Łukašenka svaje staryja słovy.
Adnym z važniejšych punktaŭ nazyvaje madernizacyju ekanomiku. Havoryć pra patrebu bolš jakasnych praduktaŭ, a nie tolki tannych. Pavieličeńnie pracoŭnych miescaŭ, «stymulacyja samazaniataści».
11:07
Łukašenka pačaŭ z składanaj hieapalityčnaj situacyjaj. Pra letašniuju «arabskuju viasnu», a taksama kryzis u Jeŭrasajuzie. «Anałahičnaja karcina nazirałasia i ŭ ZŠA, jakaja ličyłasia apłotam demakratyi», — kaža Łukašenki. Zhadvaje pra žudasnyja terakty.
«Hetyja biedy datyčać i nas. Nie zmahli my paźbiehnuć, jak ekanamičnych, tak i inšych prablem. Nichto nie čakaŭ hetych prablemaŭ», — ličyć kiraŭnik dziaržavy. Łukašenka adznačaje, što ŭ darosłaje žyćcio ŭstupaje pieršaje pakaleńnie biełarusaŭ, jakija naradzilisia ŭ samastojnaj dziaržavie.
«Bahaćcie — nie samameta. Ruch napierad niemahčymy biez patryjatyzma», — pafasnyja słovy pra nieabchodnaść lubovi da radzimy.
- Adnak za dva dni da hetaha
pres-słužba kiraŭnika krainy paviedamiła, što praca nad dakumientam praciahvajecca.
U pryvatnaści, adznačałasia, što Łukašenku nie spadabałasia zanadta libieralnaja pazicyja adnosna pryvatyzacyi majomaści i nadta žorstkaja pa ŭzajemadačynieńniach z Zachadam. «Łukašenka vykazaŭsia suprać zališnie žorstkich mier reahavańnia na prablemy va ŭzajemaadnosinach Biełarusi sa svaimi partniorami», — paviedamiła jahonaja
Zvarot adbudziecca na nastupny dzień paśla inaŭhuracyi Pucina i pierad Dniom Pieramohi. U parłamient zaprošanyja pasły Jeŭrasajuza, jaki niadaŭna pierad hetym viarnulisia ŭ Minsku.
Pačaŭ pracu śpikier nižniaj pałaty Uładzimir Andrejčanka, jaki zaznačyŭ, što na zvarocie prysutničaje 109 deputataŭ parłamienta. Niechta adzin nie źjaviŭsia.
Ciapier čytajuć
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary