Kampjutarnik Chviedar Piskunoŭ składaŭ jaho 12 hadoŭ.
Vydaviectva «Technałohija» vypuskaje «Vialiki słoŭnik biełaruskaj movy» aŭtarstva Chviedara Piskunova.Jaho prezientacyja prajšła siońnia ab 11.00 na fiłfaku BDU (vuł.Marksa, 31).
Pavodle aŭtara,
u jaho trapiła leksika apošnich dziesiaćcihodździaŭ, a taksama słovy z byłych časoŭ, jakija raniej nie ŭvachodzili ŭ słoŭniki.
«Ja patraciŭ na stvareńnie słoŭnika 12 hod,a pa fakcie — pałovu žyćcia. — kaža ŭkładalnik. — Heta, možna skazać, dva słoŭniki adnačasova — zvyčajny i hramatyčny - u jaho ŭvachodzić bolej za trysta tablic z akcentnymi i słovazamianialnymi paradyhmami. Nasamreč,
tut možna znajści słovy, jakija pa idejnych pryčynach nie traplali ŭ inšyja słoŭniki: ja apracoŭvaŭ leksiku litaraturyU słoŭniku kala 223 000 słovaŭ, ale tut20-ch ,30-ch hadoŭ, šmat śviatarskaj leksiki.
dla mianie važnaja nie kolkaść, a sproba złamać stereatyp «kali takoha słova niama ŭ słoŭniku, značycca jaho nie isnuje».Reč u tym, što hetym zahannym praviłam karystajecca absalutnaja bolšaść redaktaraŭ. A heta vialikaja škoda dla movy».
Jak piša aŭtar u pradmovie,
u rejestr vydańnia ŭklučanyja słovy, užyvanyja ŭ biełaruskamoŭnaj presie, tvorach mastackaj, navukova-papularnaj, navučalna-adukacyjnaj i relihijnaj litaratury XX–XXI stahodździaŭ. Pad uvahu byli pryniaty bolš za 2300 litaraturnych krynic,apracavanych mietadami kampjutarna-infarmacyjnych technałohij.
U słoŭnik uklučanyja ŭzornyja tablicy skłanieńnia nazoŭnikaŭ i prymietnikaŭ (bolš za 130 typaŭ) i spražeńnia dziejasłovaŭ (bolš za 140 typaŭ) i śpisy aficyjnych nazvaŭ dziaržaŭ śvietu, nazvaŭ nasielenych punktaŭ Biełarusi, dzie jość paštovyja adździaleńni, i hieahrafičnych nazvaŭ śvietu.
Nakład słoŭnika zusim ścipły — nadrukavana dvaccać ekziemplaraŭ, na hetym tydni źjaviacca jašče dźvieście.U redakcyjnuju radu ŭvajšli mnohija viadomyja biełaruskija tvorcy, siarod jakich Nił Hilevič. Hienadź Buraŭkin, Siarhiej Zakońnikaŭ.
Movaznaŭca Siarhiej Zaprudski stanoŭča adhukajecca pra novy słoŭnik: «Atrymaŭsia vielmi varty słoŭnik, što važna, jon stvaraŭsia pry dapamozie bazy, a nie kartateki. Mahu dakładna skazać, što «Vialiki słoŭnik biełaruskaj movy» stvaraje sapraŭdnuju alternatyvu aficyjnym słoŭnikam».
Takim čynam,
sioleta biełaruskaja kultura zajmieła dva vialikija słoŭniki. Litaralna miesiac tamu vyjšaŭ z druku akademičny «Słoŭnik biełaruskaj movy».916-staronkavy tom ukłała hrupa supracoŭnikaŭ Instytuta movy i litaratury imia Jakuba Kołasa i Janki Kupały NAN Biełarusi na asnovie «Słoŭnika biełaruskaj movy» 1987 h. pad redakcyjaj akademika M. V. Biryły. U novym akademičnym słoŭniku 150 tys. słovaŭ. Takich karysnych dapaŭnieńniaŭ, jak tablicy spražeńniaŭ, słoŭnik nie maje.
Chviedar Piskunoŭ, faktyčna, adzin zrabiŭ pracu, paraŭnalnuju z vysiłkami cełaha instytuta.
Kamientary