KDB śćviardžaje, što milicyjanty zatrymali sapraŭdnaha terarysta.
Jak paviedamlaje Centr infarmacyi i hramadskich suviaziaŭ (CIHS) KDB Biełarusi, mužčyna byŭ zatrymany 24 maja kala 12.00 supracoŭnikami MUS na miescy ździajśnieńnia złačynstva,jakoje kvalifikujecca pa č. 1 art. 14 i č. 1 art. 289 KK Biełarusi (zamach na ŭčynieńnie aktu teraryzmu).
U mascy z nadpisam na arabskaj movie i jomistaściami z zapalnaj sumieśsiu i samarobnaj vybuchovaj pryładaj mahutnaściu kala piaci kiłahramaŭ u traciłavym ekvivalencie jon «sprabavaŭ ździejśnić terarystyčnyja dziejańni ŭ dačynieńni da supracoŭnikaŭ padraździaleńnia MUS pa miescy ich dysłakacyi».
Dzie mienavita mužčyna byŭ zatrymany, nie ŭdakładniajecca. Pavodle źviestak BiełaPAN,
heta adbyłosia ŭ Žłobinie.
Pa fakcie ździajśnieńnia złačynnych dziejańniaŭ UKDB pa Homielskaj vobłaści raspačata kryminalnaja sprava. Pačata rasśledavańnie sumiesnaj
«Atrymanyja pieršyja źviestki pakazvajuć na najaŭnaść suviaziaŭ hramadzianina z arhanizavanaj złačynnaj hrupaj pa pierapraŭcy hramadzian Afhanistana ŭ adnu ź jeŭrapiejskich krain. Źviartaje na siabie ŭvahu fakt zatrymańnia z pryciahnieńniem supracoŭnikaŭ śpiecpadraździaleńnia ŭ pakazanym rehijonie ŭ mai adnaho ź lidaraŭ arhanizavanaj złačynnaj hrupy», — havorycca ŭ paviedamleńni CIHS KDB.
Pa słovach surazmoŭcaŭ ahienctva «Interfaks», złamyśnik byŭ zatrymany supracoŭnikami mižrajonnaha adździeła HUBAZ, «kali jon pasprabavaŭ złučyć draty na vybuchovaj pryładzie». «Pierad hetym jon kinuŭ butelku ŭ budynak — imavierna, z metaj adciahnuć uvahu supracoŭnikaŭ milicyi, kab potym pryvieści ŭ dziejańnie vybuchovaje prystasavańnie», — udakładnili ŭ pravaachoŭnych orhanach.
Paviedamlajecca, što ciapier pravodzicca psichijatryčnaja ekśpiertyza zatrymanaha. Pra jaho pišuć, što heta miascovy žychar 1991 hoda naradžeńnia, biespracoŭny.
«Nijakich patrabavańniaŭ jon nie vyłučaŭ. Pakul što ab matyvach jaho dziejańniaŭ kazać rana», — skazali ahienctvu.
Ciapier čytajuć
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3737
Kamientary