Iznoŭ pahroza małočnaj vajny?

Prypynić uvoz suchoha naturalnaha małaka, suchoha abiastłuščanaha małaka, suchoj małočnaj syrovatki i masła 72,5% i 82,5%-j tłustaści ź Biełarusi, a taksama z dalokaha zamiežža z 4 červienia da 1 śniežnia 2012 hoda zapatrabavali ŭdzielniki Usierasijskaj narady pradstaŭnikoŭ pradpryjemstvaŭ małočnaj haliny.

«U suviazi ź vielmi ciažkaj situacyjaj u suśvietnaj małočnaj industryi, vyklikanaj pieravytvorčaściu małaka, i, jak vynik, padzieńniem cen, rasijskaja małočnaja halina sutyknułasia ź niedapuščalnym źnižeńniem cen jak na syroje małako, tak i na hatovuju małočnuju pradukcyju», — havorycca ŭ apublikavanaj 28 maja rezalucyi narady, jakaja prajšła 24 maja.

Na dumku ŭdzielnikaŭ narady, dla zachavańnia małočnaj haliny krainie nieabchodna pryniać kompleks terminovych i doŭhaterminovych mier. «Kali prapanavanyja miery nie buduć pryniatyja ŭ nazvanyja terminy, nas čakaje nieminučy razvał małočnaj haliny Rasii, jaki supravadžajecca nieviartańniem značnaha abjomu kredytnych resursaŭ; strataj srodkaŭ dziaržpadtrymki małočnaj haliny, patračanych za apošnija 10 hadoŭ; usploskam rostu biespracoŭja na vioscy, dehradacyjaj tradycyjna ahrarnych terytoryj krainy; masavym bankructvam pradpryjemstvaŭ pa vytvorčaści i pierapracoŭcy małaka; značnym skaračeńniem pahałoŭja małočnaha statku (da 30%); poŭnaj zaležnaściu Rasii ad impartnaj małočnaj pradukcyi», — padkreślivajecca ŭ dakumiencie.

Miarkujemaje prypynieńnie impartu nazvanych vyšej tavarnych pazicyj ź Biełarusi maje na mecie «stabilizacyju cen na nazvanuju pradukcyju na rasijskim rynku i spynieńnie dempinhu z boku biełaruskich pastaŭščykoŭ». «Apieratyŭny kantrol za vykanańniem hetaj miery daručyć DIBDR MUS Rasii i RČ Rasii. Daručyć raspracavać sistemu kantrolu za jakaściu, abjomami i cenami małočnaj pradukcyi, što pastaŭlajecca ź Biełarusi ŭ Rasiju, Minsielhasu, Raśvietnahladu i Raśsielhasnahladu Rasii da 1 śniežnia 2012 hoda», — prapanoŭvajuć rasijskija małočniki.

Pieršym punktam u pakiecie terminovych mier prapanoŭvajecca «pravieści ekstrannuju naradu pad kiraŭnictvam staršyni ŭrada Rasijskaj Fiederacyi D. A. Miadźviedzieva pa krytyčnaj situacyi ŭ małočnaj halinie krainy da 10 červienia 2012 hoda».

Siarod doŭhaterminovych mier pa stabilizacyi situacyi aŭtary rezalucyi prapanoŭvajuć «dla zabieśpiačeńnia roŭnych kankurentnych umoŭ unutry Mytnaha sajuza […] raspracavać i zakanadaŭča zamacavać sistemu płanavańnia i kantrolu tavaraabarotu ŭ jaho ramkach, a taksama harmanizavać uzrovień dziaržaŭnaj padtrymki z ulikam doŭhaterminovych płanaŭ pa nacyjanalnym raźvićci krain — udzielnic Sajuza». Da času pryniaćcia adpaviednaj sistemy treba «ŭzmacnić kantrol za vykanańniem Bałansaŭ handlu małočnymi praduktami i vykanańniem indykatyŭnych cen».

Na dumku aŭtaraŭ rezalucyi, treba paskoryć pryniaćcie Techničnaha rehłamientu na małako i małočnyja pradukty Mytnaha sajuza z ulikam «usich prapanoŭ rasijskaha boku». U pieršuju čarhu — «uzmacnić patrabavańni da vykarystańnia raślinnych tłuščaŭ pry vytvorčaści praduktaŭ z utrymańniem małaka, a taksama nie dapuścić pryniaćcia terminu «adnoŭlenaje małako».

Apošni surjozny «małočny kanflikt» pamiž Rasijaj i Biełaruśsiu razhareŭsia letam 2009 hoda.

• 0
• 0
• 0
• 0
• 0
• 0
• 0
• 0