I zaklikała naradžać bolš.
Śviatłana Šyłava, namieśnik staršyni pastajannaj kamisii pałaty pradstaŭnikoŭ nacyjanalnaha schodu pa achovie zdaroŭja, fizičnaj kultury, spravach siamji i moładzi, u efiry pieradačy «Nie tolki žančyna viedaje» na telekanale «Biełaruś 1» raspaviała pra svajo staŭleńnie da kolkaści dziaciej, jakaja pavinna być u biełaruskaj siamji.
Na jaje dumku, treba viarnuć u hramadstva i ludskuju śviadomaść toje, što
mieć vialikuju siamju — heta prestyžniej, čym mieć adno dzicia. «Čamu francuzy naradžajuć nie mienš za troje dziaciej?» — zadała jana rytaryčnaje pytańnie. «Moža, zarobki inšyja?» — pacikaviłasia viadučaja.«Nu, kali my z vami zaraz pačniem ličyć ekanamičny składnik — jon nie paŭpłyvaje. Ja mahu skazać, što ja vyrasła ŭ vialikaj siamji. U mianie 4 starejšyja braty. Našy baćki dali nam usim vyšejšuju adukacyju. Ja liču, jany vychavali narmalnych, samadastatkovych dziaciej, u nas vielmi družnaja siamja», — raspaviała deputat.
«Šmatdzietnaja siamja — heta maleńkaja družnaja jačejka, dzie jość parazumieńnie, dapamoha i padtrymka.
A voś adno dzicia ci dva — heta ŭsio ž taki jość vypracoŭka ehaizmu. Kali ja adzin, to ŭsio dla mianie.I potym vyraście dakładna takaja ž maładaja mama, vyraście taki ž małady tata, jaki skaža: «Nie, dastatkova, a to ŭ mianie nie budzie Mersedesa». Abo: «U mianie nie budzie lišniaha norkavaha futra», — upeŭnienaja Šyłava. Paryrujučy zaŭvahi, što zarobku moža nie chapić na pampiersy dla ŭsich, namieśnik staršyni pastajannaj kamisii pałaty pradstaŭnikoŭ padkreśliła:
«Ja vam mahu skazać jak doktar: navat — nie abaviazkova pampiersy. I miž inšym — heta nie vielmi dobra dla repraduktyŭnaha zdaroŭja chłopčyka i dziaŭčynki. Heta ja vam kažu jak śpiecyjalist».«Ja miarkuju, 3 młn dla taho, kab vychoŭvać u siamji dvuch dziaciej, — dastatkova. Byŭ pieryjad
Što tyčycca biudžetu pražytačnaha minimumu, jaki składaje zaraz krychu bolš za 700 tysiač rubloŭ, to Šyłava zaŭvažyła, što jon nie zabiaśpiečvaje šykoŭnaha žyćcia, ale nie daść pamierci.
* * *
Pavodle načalnika ŭpraŭleńnia narodanasielnictva, hiendarnaj i siamiejnaj palityki Ministerstva pracy i sacyjalnaj abarony Maryny Arciomienki, bolšaść siemjaŭ u Biełarusi majuć adno dzicia — 65,8%.Dvuch dziaciej majuć 28,9% siemjaŭ, troch i bolš — prykładna 5%.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary