Ab hetym paviedamiŭ u intervju časopisu «Ekanomika Biełarusi» namieśnik staršyni praŭleńnia Nacbanka Siarhiej Dubkoŭ.
«Kredytavańnie nasielnictva ŭ zamiežnaj valucie ŭtrymlivaje nieapraŭdana vysokuju valutnuju ryzyku i ryzyku niepahašeńnia kredytaŭ u vypadku pavieličeńnia sum płaciažoŭ da takich pamieraŭ, jakija pieravyšajuć prybytak kredytaatrymalnika.Heta źviazana z tym, što hramadzianie atrymlivajuć zarobak u biełaruskich rublach.
U toj ža čas pad upłyvam suśvietnaha finansavaha kryzisu pry prajaŭleńni dysbałansaŭ u ekanamičnym raźvićci krainy (naprykład, jakija ŭźnikli ŭ 2011 h.) mahčymy značnyja niepradkazalnyja vahańni ŭzajemnych kursaŭ zamiežnych valut, što viadzie da źnižeńnia płaciežazdolnaści kredytaatrymalnikaŭ», — rastłumačyŭ Siarhiej Dubkoŭ.
Nasielnictva Biełarusi, jak praviła, nie ŭ poŭnaj miery ŭśviedamlaje pieraličanyja ryzyki, padkreśliŭ jon.
Zabarona na kredytavańnie fizičnych asob u zamiežnaj valucie źnižaje ryzyki jak dla bankaŭ (u vypadku niesvoječasovaha pahašeńnia abo nieviartańnia kredytu), tak i dla nasielnictva, adznačyŭ namieśnik staršyni praŭleńnia Nacbanka.Bolš za toje, admova ad raźlikaŭ u zamiežnaj valucie pamiž rezidentami na terytoryi Biełarusi — adzin z najvažniejšych napramkaŭ raboty pa dedałaryzacyi ekanomiki. Heta spryjaje abaronie i zabieśpiačeńniu ŭstojlivaści biełaruskaha rubla, u tym liku jaho pakupnickaj zdolnaści, a taksama ŭzmacnieńniu davieru da nacyjanalnaj valuty, padkreśliŭ Dubkoŭ.
«Voś čamu Nacyjanalny bank nie ličyć metazhodnym zdymać zabaronu na pradastaŭleńnie fizičnym asobam, za vyniatkam indyvidualnych pradprymalnikaŭ, kredytaŭ u zamiežnaj valucie», — reziumavaŭ namieśnik staršyni praŭleńnia Nacbanka.
Nacyjanalny bank Biełarusi ź siaredziny 2009 hoda prypyniŭ, a z 1 studzienia 2011 hoda ŭvioŭ kančatkovuju zabaronu na kredytavańnie fizičnych asob u zamiežnaj valucie.
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie27
Kamientary