Polskaha historyka zatrymali ŭ Biełarusi za fatahrafavańnie Lenina
U Minsku supracoŭniki śpiecsłužbaŭ i milicyi šmat hadzinaŭ dapytvali historyka mastactva Kryštofa Cichana.
Vypuścili jaho tolki paśla taho, jak jon padpisaŭ papieru, što fatahrafavaŭ «abjekt stratehičnaha značeńnia», a mienavita fabryku elektrainstrumientaŭ. Na samoj spravie historyk rabiŭ zdymki pomnika Lenina. Ab hetym piša gazeta.pl.
Zdareńnie adbyłosia na vulicy Vałhahradskaj. Kryštof Cichan ź Lublina sfatahrafavaŭ tam pomnik Lenina, na zadnim płanie jakoha była bačna fabryka elektrainstrumientaŭ.Adnak chutka da jaho padyšoŭ mužčyna ŭ cyvilnym i zahadaŭ iści za im. Historyka pryviali ŭ budynak toj samaj fabryki. Tam mužčynu spačatku dapytvali achoŭniki, a paśla da ich dałučylisia nieviadomyja mužčyny. Ich cikaviła, ci polskija śpiecsłužby naviedvajuć univiersitet, u jakim Cichan pracuje, ci vučacca ŭ hetym univiersitecie biełarusy i ci zapisanyja ŭ telefonie historyka kantakty adnoj z polskich tajnych słužbaŭ.
Praź niekalki hadzinaŭ historyka advieźli ŭ milicyju.Tam jaho sfatahrafavali i dali dla podpisu papieru, ab tym što mužčyna fatahrafavaŭ «abjekt stratehičnaha značeńnia». Paśla hetaha palaka advieźli pad toj samy pomnik Lenina, dzie jon byŭ zatrymany. Na raźvitańnie aficer, jaki advoziŭ Cichana, ścier častku zdymkaŭ ź jaho fotaaparata.
-
U Baranavičach vylepili sa śniehu vialikaha kania ŭ palito FOTAFAKT
-
Pamiatajecie biełarusku, jakaja žyła i viała biznes u Litvie, ale nienavidzieła krainu? Daviedalisia, što z fanatkaj Łukašenki ciapier
-
«Pakul nie źniali tyktok — nichto nie varušyŭsia». Jak biełarusy vyrašajuć kamunalnyja prablemy praz ahałosku
Raźviedka ZŠA: Biełaruś stała pieradavym vajskovym płacdarmam Rasii24
Kamientary