Pryčyna — niavydača Minskam Džanybieka Bakijeva, jakoha vinavaciać u zabojstvach.
Ministerstva zamiežnych spravaŭ Kyrhyzstana z 24 žniŭnia adklikała ŭ Biškiek svajho nadzvyčajnaha i paŭnamocnaha pasła ŭ Biełarusi Eryka Asanalijeva dla praviadzieńnia kansultacyj, paviedamiła ahienctva KirTAH.
, jaki rasšukvajecca pravaachoŭnymi orhanami Kyrhyzstana i Interpołam za ŭčynienyja raniej asabliva ciažkija kryminalnyja złačynstvy» – havorycca ŭ paviedamleńni kirhizskaha MZS, piša Radyjo Svaboda.«Hety zachad pryniaty ŭ suviazi z adsutnaściu reakcyi kampietentnych orhanaŭ biełaruskaha boku na vierbalnuju notu ad 21 žniŭnia h.h. i zajavu MZS Kyryizstana ad 22 žniŭnia h.h. adnosna znachodžańnia hramadzianina Kyrhyzskaj Respubliki Džanybieka Bakijeva na terytoryi Respubliki Biełaruś
Jak paviedamlałasia raniej, 17 žniŭnia ŭ centry biełaruskaj stalicy, na vulicy Marksa byŭ zaŭvažany čałaviek, padobny da Džanybieka Bakijeva, brata zrynutaha prezidenta Kyrhyzstana.Dziejny prezident Kyrhyzstana Ałmaźbiek Atanbajeŭ nazvaŭ Džanybieka «strašnym čałaviekam».
Pavodle jaho słovaŭ, mienavita Džanybiek padčas krasavickich padziej 2010-ha kiravaŭ rasstrełam demanstrantaŭ, pryčym daŭ snajpieram zahad calać u hałavu i ŭ hrudzi. U krasaviku 2010 hoda ŭ Kyrhyzstanie adbyŭsia dziaržaŭny pieravarot. Padčas šturmu budynka ŭrada ŭ Biškieku i dalejšych biesparadkaŭ zahinuli kala 90 čałaviek i 1,5 tysiačy byli paranienyja.
- Na toj momant prezident Bakijeŭ, jaho brat Žanyš (Džanybiek), jaki ŭznačalvaŭ Słužbu dziaržachovy krainy i starejšy syn Marat źbiehli z krainy. Na radzimie jany byli zavočna abvinavačanyja ŭ masavym zabojstvie, źviazanym ź pieravyšeńniem słužbovych paŭnamoctvaŭ, i abjaŭlenyja ŭ mižnarodny vyšuk. Kurmanbiek Bakijeŭ prybyŭ u Biełaruś 19 krasavika 2010 hoda pavodle zaprašeńnia Alaksandra Łukašenki. Hienprakuratura Kyrhyzstana dvojčy źviartałasia ŭ Hienprakuraturu Biełarusi z zapytam pra vydaču Bakijeva i dvojčy atrymała admovu. 17 kastryčnika 2011 hoda staršynia Dziaržkamiteta nacbiaśpieki Kyrhyzstana Kieniešbiek Dušabajeŭ, adkazvajučy na pytańni deputataŭ parłamienta, paviedamiŭ, što Kurmanbiek Bakijeŭ atrymaŭ u Biełarusi palityčny prytułak. MUS Biełarusi nie raskryvaje status Bakijeva.
Kyrhyzstan patrabuje vydać D. Bakijeva.
Ciapier čytajuć
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom13
Niaklajeŭ apublikavaŭ złabadzionny vierš. U im zhadvajecca i Kaleśnikava z Babarykam, i Cichanoŭskaja, i Prakopjeŭ z Paźniakom
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1919
Kamientary