Prysiažnyja ź pieršaha dnia suda byli ŭpeŭnienyja ŭ vinavataści Samsung
Žurnalisty sajta CNET zdoleli pahavaryć z adnym z prysiažnych kamisii, jakaja vyrašyła, što Samsung kapijuje technałohii Apple.
Pavodle jaho słovaŭ, vinavataść karejskaj kampanii była vidavočnaja ź pieršaha dnia słuchańniaŭ. Tym nie mienš prysiažnyja ŭvažliva razhledzieli ŭsie dokazy, vysłuchali ŭsie arhumienty i niamała paspračalisia padčas narady.
Supracoŭniki CNET pacikavilisia samymi značnymi dokazami viny Samsung. Prysiažny zhadaŭ unutranuju elektronnuju pierapisku kiraŭnikoŭ karejskaj karparacyi, dzie išła havorka pra funkcyi iOS, jakija varta było b pieraniać. Na rašeńnie kamisii taksama paŭpłyvali fatahrafii telefonaŭ Samsung da i paśla vychadu iPhone. Pry hetym prysiažnym nie spadabałasia, što pradstaŭniki karejskaha vytvorcy na sudzie ŭvieś čas uchilalisia ad naŭprostych adkazaŭ na pytańni.
Mnohija jurysty ličać, što vyniesienaje rašeńnie ŭ vyniku admieniać. Bolš za ŭsio śpiecyjalistaŭ ździŭlaje toje, nakolki chutka prysiažnyja dali rady niaprostaj spravie, padčas jakoj im treba było adkazać prykładna na 700 pytańniaŭ. Čalcy kamisii nastojvajuć, što pytańni byli nie takimi ŭžo składanymi, ale kožnaje ź ich staranna abmiarkoŭvałasia.
Ciapier čytajuć
Fiaduta — Kaleśnikavaj: Mašańka, ci viarniciesia na Miesiac, ci nie vučycie žyć tych, chto stamiŭsia nabivać huzy ad čarhovaha nastupańnia na hrabli3636
Kamientary