Lotčyk i fatohraf zahinuli.
U Italii paciarpieŭ krušeńnie lohkamatorny samalot Cessna 402B, pasažyr jakoha rabiŭ zdymku dla Google Maps.
Jak paviedamlaje telekanał Euronews,
39-hadovy fatohraf Antonia Savoldzi i 50-hadovy piłot Alfred Sieharjoł vylecieli z Brešyi i kiravalisia na Rym.U vyniku katastrofy na paŭdniovaj uskrainie italjanskaj stalicy abodva zahinuli. Adrazu paśla padzieńnia samalot zahareŭsia, a tamu šancaŭ vyžyć u mužčyn praktyčna nie było.
Ciapier vyśviatlajucca pryčyny trahiedyi. Heta mahła być jak miechaničnaja niaspraŭnaść, tak i niedachop paliva.Vidavočcy katastrofy śćviardžajuć, što ŭ momant padzieńnia ruchavik samalota nie pracavaŭ, a piłot da apošniaha sprabavaŭ ździejśnić avaryjnuju pasadku.
Vyśviatleńnie dakładnaj pryčyny katastrofy ŭskładniajecca tym faktam, što "čornyja skryni" na Cessna nie praduhledžany.
Samalot Cessna 402 U vypuskaŭsia z 1972 pa 1985 hady amierykanskaj kampanijaj Cessna. Dziasiatki mašyn hetaj madeli da hetaha času vykarystoŭvajucca ŭ mnohich krainach śvietu.
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary