Za heta siońnia prahałasavali źjezdy partyj.
Takoje rašeńnie pryniata siońnia na partyjnych źjezdach, što prajšli ŭ Minsku. Abiedźvie partyi matyvavali svajo rašeńnie tym, što vybarčaja kampanija prachozić nieprazrysta i niedemakratyčna. Aprača taho, u krainie zastajucca palitviaźni.Partyja BNF i Abjadnanaja hramadzianskaja partyja (AHP) zdymajuć z vybaraŭ svaich kandydataŭ u deputaty pałaty pradstaŭnikoŭ.
Tak, Partyja BNF vyłučała ŭładam dźvie ŭmovy, pry vykanańni jakich jana hatova była b paŭnavarta brać udzieł u vybarčaj kampanii, — heta vyzvaleńnie palitviaźniaŭ i ŭklučeńnie ŭsich pradstaŭnikoŭ ad partyi ŭ akruhovyja i ŭčastkovyja vybarčyja kamisii. Nivodnaja ź ich nie była vykanana.
Repartaž sa źjezda Partyi BNF
Ihar Lalkoŭ prapanuje hałasavać za kožnaha kandydata asobna, ci zdymacca im z vybaraŭ. Była prapanova źniać usich kandydataŭ, aproč Ivana Šehi, ale delehaty suprać.
U vyniku hałasavańnia 37 deletaŭ prahałasavali za źniaćcio kandydataŭ, 2 — suprać, 5 — usprymałasia.
* * *
Było vyłučana 64 kandydaty, dajechali — 46. Adzinym pytańniem budzie razhladacca ŭdzieł partyi ŭ parłamienckich vybarach. Usiaho ad Frontu zastałosia 31 zarehistravany kandydat u deputaty.
«Ludzi nie pojduć na vybary nie praź dziejańni prychilnikaŭ bajkotu, a praź dziejańni ŭładaŭ», — kaža staršynia BNF Alaksiej Janukievič.Jon abhruntoŭvaje rašeńnie nie ŭdzielničać u vybarach tym, što ŭłady nie vyzvalili palitviaźniaŭ, nie ŭklučyli pradstaŭnikoŭ apazicyi, nie zarehistravali mocnych kandydataŭ, cenzura padčas televystupaŭ. Tym nie mienš, jon kaža: «Našy kandydaty nie pajšli na samacenzuru, ale damahlisia poŭnych vystupaŭ».
«Najbolš pravilnym budzie skasavać naša rašeńnie ab vyłučeńni kandydataŭ. Heta budzie sumlenna ŭ dačynieńni da ludziej», — skazaŭ Alaksiej Janukievič. Naprykancy svajho vystupu staršynia padziakavaŭ usim kandydatam, a taksama tym, chto pracavaŭ u centralnym štabie.A voś delehat źjezdu Vasil Ramanaŭ (Homiel) miarkuje, što zdymańnie kandydataŭ jašče bolš zabłytaje situacyju. «Ci jość sens falsifikavać siońnia vybary? Niama. Kali ŭ parłamient trapić niekalki kandydataŭ ad apazicyi, to ŭładzie budzie tolki plus», — miarkuje sp. Ramanaŭ.
Tamara Maskalova kaža, što Partyja BNF dała «słova sabie», tamu jaho nielha parušać, bo nie budzie davieru navat sabie. «Vy dumajecie vam daduć dobryja pracenty? A chvihu z masłam vy nie chacieli?», — kaža kandydatka.
«Na hetyja vybary ludziam hłyboka fijaletava. Navat u samych dalokich vioskach. Vybarami cikaviacca 3–5% nasielnictva», — skazaŭ Barys Vyrvič ź Białynič.
Były marski aficer, piechaciniec Alaksandr Strach kaža, što jaho nie buduć pavažać adnaviaskoŭcy, kali jamu napišuć 5%.
Ivan Šeha źviartaje ŭvahu, što Mikoła Statkievič vystupaje za ŭdzieł u parłamienckich vybarach. Šeha ličyć, što niekatoryja partyjcy sami bajacca trapić u pałatu. «Kali ja zdymusia, to ŭsim budzie zručna. Vielmi zručna budzie miascovaj uładzie, bo zastajecca jašče try kandydaty. Vielmi zručna budzie mnie, bo nie treba budzie nikudy jeździć.
Pradstaŭniki ŭłady pryjazdžali da mianie dadomu, prasili nie zdymacca, bo nie chočuć hałasavać za nastaŭnicu. U Słonimie možna było b pasprabavać sarvać hetyja vybary. Kali vialikaja kolkaść budzie hałasavać za apazicyjnaha kandydata, to mahčymyja varyjanty».
Valery Karankievič z Chocimska, jaki adnačasova pradstaŭlaje «Havary praŭdu», skazaŭ, što pryniaŭ rašeńnie nie zdymacca z vybaraŭ.
«Mahčyma, udzielničać u vybarach nam by i było bolš vyhadna, ale kali my pryniali rašeńnie, to jaho treba trymacca», — skazaŭ Alaksiej Čarniajeŭ.
Viktar Marčyk prapanavaŭ pakinuć udzielničać u vybarach niekalki najbolš mocnych kandydataŭ ad BNF, kab pravieryć rejtynh Partyi. Aleś Stračuk ža prapanavaŭ udzielničać u vybarach «da kanca». Vadzim Sarančukoŭ z Horadni prapanuje zdymacca.
Aleś Kalita prapanuje vyklučyć Valeryja Karankieviča z Partyi, kali nie padparadkujecca rašeńniu BNF ab źniaćci z vybaraŭ. «Vyklučajcie, chutka adny zastanieciesia ŭ Partyi», — kaža Karankievič. Na źjeździe pačali kipieć žarści.
«Davajcie nie budziem žyć iluzijami, — źviartajecca Kastusioŭ da Šehi i Stračuka. — Ja viedaju, što i siońnia vam napišuć 3%. Davajcie prymiem ahulnaje rašeńnie».
Vialikaja dyskusija była, ci davać słova spadaru Aleh Kviatko sa «Spraviadlivaha śvietu». «Spadziajusia, što skažycie niešta vartaje hetaha hałasavańnia», — skazaŭ Janukievič. Pradstaŭnik postkamunistaŭ pierakonvaje, što ŭ vybarach treba ŭdzielničać.
«Narodaŭładździe — naša ahulnaja meta», — skazaŭ Kviatko. Słovy jahonyja sustreli z abureńniem.
***
paviedamlaje BiełaPAN.Siesija źjezda Abjadnanaj hramadzianskaj partyi taksama pryniaŭ rašeńnie pra źniaćcie kandydataŭ z vybaraŭ,
AHP zajaŭlała pra svoj paŭnacenny udzieł u vybarach pry ŭmovie vykanańnia ŭładami troch punktaŭ: vyzvaleńnie i reabilitacyja palitźniavolenych, adsutnaść prymusu da hałasavańnia, prazrystaje farmiravańnie vybarčych kamisij.
Jak zajaviŭ siońnia namieśnik staršyni AHP Leŭ Marholin, nivodnuju ŭmovu ŭłada nie vykanała.
«Aprača taho, za minułyja dva z pałovaj miesiacy my ŭbačyli novyja fakty ŭ hetaj kampanii — ad pryciahnieńnia ŭdzielnikaŭ vybarčaj kampanii da administracyjnaj adkaznaści da ŭviadzieńnia žorstkaj cenzury vystupleńniaŭ u ŚMI. Dostup kandydataŭ u deputaty da vybarščykaŭ pieratvaryŭsia ŭ karykaturu», — kanstatavaŭ palityk.
Usie hetyja momanty, pavodle słoŭ Marholina, «pieratvaryli vybarčuju kampaniju ŭ palityčny fars, niavarty taho, kab u im brała ŭdzieł surjoznaja palityčnaja partyja».
Ciapier čytajuć
Što zdaryłasia z vykładčykam BNTU Michaiłam Ščukinym, jaki pamior pry zatrymańni. Viersija milicyi17
Kamientary