U Hrodnie pjany amonaviec zabiŭ sužycielku i prałamiŭ hałavu 10-hadovamu dzicionku
Infarmacyja pra trahičny incydent u Hrodnie paćvierdziłasia -- amonaviec sapraŭdy ździejśniŭ zabojstva sužycielki i prałamaŭ hałavu jaje dziciaci.
Žychary Hrodna źviarnuli ŭvahu na toje, što ŭviečary 18 vieraśnia ŭ mikrarajonie Višniaviec nazirałasia vialikaja kolkaść milicyi. Lasny masiŭ la mikrarajona «Paharany -- Kašeŭniki», pa šlachu da rynku «Paŭdniovy», pračesvała rota sałdat.
Jak vyśvietliłasia, šukali amonaŭca, jaki ŭ stanie ałkaholnaha apjanieńnia zarezaŭ žančynu, ź jakoj žyŭ, a 10-hadovamu dziciaci prałamaŭ hałavu.
Raniej elektronnyja ŚMI raspaŭsiudžvali infarmacyju, spasyłajučysia na hrodzienski forum.
«Narodnaja Vola» datelefanavałasia ŭ pres-słužbu UUS Hrodzienskaha abłvykankama, dzie paćvierdzili, što hetaja infarmacyja nie źjaŭlajecca biespadstaŭnymi čutkami abo fantazijami.Adnak jakija-niebudź padrabiaznaści paviedamić admovilisia, spasłaŭšysia na toje, što pakul idzie śledstva.
***
Jak paviedamlałasia, u Hrodnie adbyłosia žorstkaje zabojstva žančyny. U kvatery byŭ znojdzieny trup žančyny 1980 hoda naradžeńnia z kołata-rezanymi ranami hrudnoj kletki i žyvata. A ŭžo praź niekalki hadzin u lesaparkavaj zonie na ŭskrainie horada apieratyŭnikam udałosia zatrymać padazravanaha ŭ ździajśnieńni złačynstva. Im byŭ znajomy achviary -- žychar Hrodna 1974 hoda naradžeńnia. Im akazaŭsia supracoŭnik AMAPa.
Akramia taho, što jon zabiŭ svaju sužycielku, amapaviec prałamaŭ hałavu 10-hadovamu dziciaci (vierahodna, ułasnamu) patelniaj. Chłopčyk ciapier znachodzicca ŭ balnicy.
Jak kažuć susiedzi, napiaredadni susiedzi bačyli, jak amonaviec u stanie ałkaholnaha apjanieńnia sprabavaŭ ŭvajści ŭ kvateru da svajoj siabroŭcy, ale jana jamu nie adčyniała.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary