Kyrhyzstan z trybuny Hienasamblei AAN zapatrabavaŭ ad Biełarusi vydać svajakoŭ Bakijeva
Śpikier parłamienta Kyrhyzstana Asiłbiek Žeenbiekaŭ zaklikaŭ ułady Biełarusi vydać abjaŭlenych u vyšuk svajakoŭ byłoha prezidenta Kurmanbieka Bakijeva. Pra heta jon zajaviŭ 27 vieraśnia, vystupajučy na67-j siesii Hienasamblei AAN.
«My ŭsio jašče spadziajemsia, što ŭłady Biełarusi, jakaja źjaŭlajecca sajuźnikam Kyrhyzstana ŭ miežach ADKB i JeŭrAzES i ŭziała na siabie abaviazacielstvy ŭ ramkach pałažeńniaŭ Minskaj i Kišynioŭskaj kanviencyj, prajaviać svaju prychilnaść
Pavodle słoŭ śpikiera, «byłoje kiraŭnictva Kyrhyzstana, jakoje chavajecca ŭ peŭnych krainach, i jaho bližejšaje atačeńnie pavinny panieści pakarańnie ŭ strohaj adpaviednaści z zakanadaŭstvam Kyrhyzstana».
«Kirhizski bok padkreślivaje, što jany pieraśledujucca nie pa palityčna matyvavanych spravach. Hetyja asoby abvinavačvajucca za kankretnyja złačynnyja kryminalna karalnyja dziejańni, jany addavali zahad na prymianieńnie ahniastrelnaj zbroi ŭ dačynieńni da mirnych hramadzian, na źniščeńnie niepažadanych im asob, jany rabavali ŭłasny narod i biudžet krainy i vyvieli z Kyrhyzstana vielizarnyja finansavyja aktyvy», — padkreśliŭ Žeenbiekaŭ.
Na dumku śpikiera parłamienta Kyrhyzstana, AAN nieabchodna «ŭstanavić jasnyja standarty i pracedury dla zabieśpiačeńnia pravasudździa na mižnarodnym uzroŭni, a hałoŭnaje — viartańnie srodkaŭ, nažytych padmannym šlacham».
***
U krasaviku 2010 hoda ŭ Kyrhyzstanie adbyŭsia dziaržaŭny pieravarot, u vyniku jakoha ŭłada pierajšła ŭ ruki časovaha kaalicyjnaha ŭrada, što składajecca ź lidaraŭ apazicyjnych partyj. Pry hetym zahinuli prykładna 90 čałaviek, amal tysiača atrymali ranieńni. Źvierhnuty prezident Kyrhyzstana Kurmanbiek Bakijeŭ, jaho brat Žanyš, jaki ŭznačalvaŭ Słužbu dziaržachovy, syn Marat, a taksama inšyja nabližanyja zavočna byli abvinavačanyja ŭ masavym zabojstvie, źviazanym ź pieravyšeńniem słužbovych paŭnamoctvaŭ, i abjaŭleny ŭ mižnarodny vyšuk. Žanyš Bakijeŭ, aprača ŭsiaho, abvinavačvajecca ŭ arhanizacyi zabojstva kiraŭnika administracyi prezidenta Miedeta Sadyrkułava ŭ sakaviku 2009 hoda.
Biškiek nieadnarazova źviartaŭsia da Minska z prośbaj vydać i samoha Kurmanbieka Bakijeva, jaki prybyŭ u Biełaruś 19 krasavika 2010 hoda pa asabistym zaprašeńni Alaksandra Łukašenki. Adnak Hienprakuratura Biełarusi admoviłasia vydavać źvierhnutaha prezidenta Kyrhyzstana, nie znajšoŭšy dla hetaha pravavych padstaŭ.
U žniŭni hetaha hoda aktyvist biełaruskaj apazicyi Michaił Paškievič sfatahrafavaŭ Žanybieka Bakijeva, jakoha vypadkova ŭbačyŭ, kali toj vychodziŭ z kafe ŭ centry Minska. 20 žniŭnia fota było vykładziena ŭ internet. Kirhizski bok znoŭ źviarnuŭsia da Minska z prośbaj ab zatrymańni i ekstradycyi Žanybieka Bakijeva. Paśla taho jak reakcyi ź biełaruskaha boku nie było, 24 žniŭnia ŭłady Kyrhyzstana adklikali ź Minska svajho pasła.
Kamientary