U Hrodnie viaducca adrazu dźvie kryminalnyja spravy suprać maładych ludziej, jakich abvinavačvajuć u hvałtoŭnych dziejańniach seksualnaha charaktaru.
Pradstaŭnik Upraŭleńnia Śledčaha kamiteta pa Hrodzienskaj vobłaści Siarhiej Šaršanievič adznačyŭ, što heta dva roznyja złačynstvy, ździejśnienyja ŭ rozny čas, ale ŭ adnym rajonie abłasnoha centra — Kastryčnickim.
U pieršym vypadku abvinavačvajecca žychar horada 1986 hoda naradžeńnia. Jamu vystaŭlena abvinavačvańnie pa č.3 art. 167 KK — hvałtoŭnyja dziejańni seksualnaha charaktaru ŭ adnosinach da małaletnich (dzieci da 14 hadoŭ). Pa hetaj spravie dva paciarpiełyja. Małady čałaviek raniej byŭ sudzimy za takoje ž złačynstva ŭ Biełarusi.
U druhim vypadku zatrymany — taksama žychar Hrodna, 1983 hoda naradžeńnia. Jaho abvinavačvajuć pa č.2 art. 167 — tyja ž dziejańni, ale ŭ adnosinach da niepaŭnaletnich (padletki z 14 da 18 hadoŭ). Pa hetaj spravie prachodzić adzin paciarpieły. Małady čałaviek, pa słovach Siarhieja Šaršanieviča, mahčyma, taksama byŭ sudzimy za padobnaje złačynstva na terytoryi Rasii. Ciapier takaja infarmacyja praviarajecca.
Abvinavačanym pryznačany sudova-psichijatryčnyja ekśpiertyzy. Jany znachodziacca pad vartaj.
Siarhiej Šaršanievič zaŭvažyŭ, što, jak praviła, u takich vypadkach złačyncy nie ciahnuć siłaj dziaciej da siabie dadomu. Jany spačatku vyklikajuć prychilnaść da siabie i zaprašajuć prajścisia ź imi. Tamu baćkam treba bolš uvahi źviartać na miery biaśpieki i pravodzić vychavaŭčyja razmovy ź dziećmi.
Ciapier čytajuć
Pahražaŭ vajskoŭcam raskryć, chto ź ich homaseksuał, kab vypytać sakrety i pradać Ukrainie. Voś za što adyjozny funkcyjanier BRSM atrymaŭ 17 hadoŭ kałonii12
Kamientary